- Кёл – къызбай, къол – батыр.
- Урунуу – насыбны анасы.
- Эшекге миннген – биринчи айыб, андан джыгъылгъан – экинчи айыб.
- Ишлегенден, къарагъан уста.
- Чакъырылмагъан къонакъ тёрге атламаз.
- Баргъанынга кёре болур келгенинг.
- Ата – билек, ана – джюрек!
- Бир онгсуз адам адет чыгъарды, деб эштирик тюлсе.
- Татлы тилде – сёз ариу, чемер къолда – иш ариу.
- Къонакъ аз олтурур, кёб сынар.
- Кёрмегеннге кебек – танг, битмегеннге сакъал – танг.
- Хазыр ашха – терен къашыкъ.
- Айтылгъан буйрукъ, сёгюлмез
- Тёгюлген тюгел джыйылмайды.
- Аман эсирсе, юйюн ояр.
- Агъач – джерни чырайы, кийим – эрни чырайы.
- Ана къолу ачытмаз.
- «Ма», - дегенни билмесенг, «бер», - дегенни билмезсе.
- Къоркъакъны кёзю экили кёрюр.
- Ичимден чыкъды хата, къайры барайым сата?
- Тай асырагъан, атха минер.
- Къар – келтирди, суу – элтди.
- Элни кючю – эмеген.
- Айранын берсенг, челегин да къызгъанма.
- Баш болса, бёрк табылыр.
- Тилчи тилден къаныкъмаз.
- Сабий болмагъан джерде, мёлек болмаз.
- Билеги кючлю, бирни джыгъар, билими кючлю, мингни джыгъар.
- Онгсузну – джакъла, тенгликни – сакъла.
- Ойнаб айтсанг да, эслеб айт.
- Аманны къуугъан, аманлыкъ табар.
- Аджалсыз ёлюм болмаз.
- Мал кёб болса, джууукъ кёб болур.
- Сангырау къулакъ эл бузар.
- Келгинчи, къонакъ уялыр, келгенден сора, къонакъбай уялыр.
- Мураты болгъанны джюрек тебюую башхады.
- Аманнга игилик этсенг, юйюнге сау бармазса.
- Ишин билген, аны сыйын чыгъарады.
- Айтылгъан сёз ызына къайтмаз.
- Окъугъан – асыу, окъумагъан – джарсыу.
- Кёкдеги болмаса, джердегин кёрмейди.
- Хунаны тюбюн къазсанг, юсюнге ауар.
- Ойнай-ойнай кёз чыгъар.
- Адам боллукъ, атламындан белгили болур.
- Таугъа чыгъаллыкъ эсенг, тюзде къалма.
- Келинни – келгинчи, бёркню кийгинчи кёр.
- Къарт болгъан джерде, берекет болур, сабий болгъан джерде, оюн болур.
- Аманны тукъумуна къарама, игини тукъумун сорма.
- Къазанда болса, чолпугъа чыгъар.
- Къыз келсе, джумуш эте келеди, къатын келсе, ушакъ эте келеди.
Профиль
|
|
|||