- Огъурлуну сёзю – суу, огъурсузну сёзю – уу.
- Кютгени беш эчки, сызгъыргъаны уа, джерни джарады.
- Алма терегинден кери кетмез.
- Аманны эки битли тону болур, бирин сеннге кийдирир, бирин кеси киер.
- Джашлыкъ этмеген, башлыкъ этмез.
- Игини сыйлагъан адетди.
- Ач – эснер, ат – кишнер.
- Эм ашхы къайын ана мамукъ бла башынгы тешер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Байны оноуу, джарлыгъа джарамаз.
- Агъач халкъгъа алтынды, иссиликге салкъынды.
- Адеб этмеген, адеб кёрмез.
- Ашатыргъа иш – ашхы, ишлетирге аш – ашхы.
- Тилсиз миллет джокъ болур.
- Уллу къазанда бишген эт, чий къалмаз.
- Адам боллукъ, атламындан белгили болур.
- Джарлы джети элни сёзюн этер.
- Акъыллы эркиши атын махтар, акъылсыз эркиши къатынын махтар.
- Эски джаугъа ышанма.
- Ашхы – джыяр, аман – джояр.
- Агъач – джерни чырайы, кийим – эрни чырайы.
- Ариу сёз – джаннга азыкъ, аман сёз – башха къазыкъ.
- Тил – кесген бычакъ, сёз – атылгъан окъ.
- Таякъ этден ётер, тил сюекден ётер.
- Чомарт къолда мал къалмаз.
- Иги адамны бир сёзю эки болмаз.
- Ким бла джюрюсенг, аны кёзю бла кёрюнюрсе.
- Чоюнну башы ачыкъ болса, итге уят керекди.
- Тешигини къатында, чычхан да батыр болур.
- Бек ашыкъгъан меннге джетсин, дегенди аракъы.
- Чарсда алчыны эл кёреди.
- Къатыны харакетли болса, эри къымсыз болур.
- Ач къарным, тынч къулагъым.
- Сабий кёргенин унутмаз.
- Аджашханны ызындагъы кёреди, джангылгъанны джанындагъы биледи.
- Кёбден умут этиб, аздан къуру къалма.
- Къартны сыйын кёрмеген, къартлыгъында сыйлы болмаз.
- Азыкълы ат арымаз, къатыны аман джарымаз.
- От этилмеген джерден тютюн чыкъмайды.
- Адамны адамлыгъы къыйынлыкъда айгъакъланады.
- Арба аугъандан сора, джол кёргюзтюучю кёб болур.
- Джуртун къоругъан озар.
- Иги сёз – джаннга азыкъ, аман сёз башха – къазыкъ.
- Окъугъанны бети джарыкъ.
- Мал тутхан – май джалар.
- Аз сёлеш, кёб ишле.
- Ариу сёз – къылычдан джити.
- Чёбню кёлтюрсенг, тюбюнден сёз чыгъар.
- Къарт айтханны этмеген, къартаймаз.
- Къазанда болса, чолпугъа чыгъар.
Профиль
|
|
|||