- Гугук кесини атын айтыб къычыргъанча, мен, мен деб нек тураса?
- Ана къойну – балагъа джандет.
- Билмегенинги, билгеннге сор.
- Байдан умут эте, джарлыдан ёгюз багъасы къорады.
- Иги болса, тамадама – махтау, аман болса, меннге – айыб.
- Ишленмеклик адамлыкъды.
- Аманнга игилик этсенг, юйюнге сау бармазса.
- Чабар ат – джетген къыз.
- Ойнай билмеген, оюн бузар.
- Тин – байлыгъынг, терен саулугъунг.
- Эки къатын алгъанны къулагъы тынгнгаймаз.
- Баланы адам этген анады.
- Сютню башын джалагъан къутулур, тюбюн ичген тутулур.
- Джаралыны джастыгъында сау ёлюр.
- Эте билген, этген этеди, эте билмеген, юретген этеди!
- Орну джокъну – сыйы джокъ.
- Джаханимни кёрмей, джандетге кёл салмазса.
- Ач – эснер, ат – кишнер.
- Эр сокъур болсун, къатын тилсиз болсун.
- Эртде тургъан джылкъычыны эркек аты тай табар.
- Тешигини къатында, чычхан да батыр болур.
- Чомартны къолун джокълукъ байлар.
- Нарт сёз – тилни бети.
- Къарт бла баш аша, джаш бла аякъ аша.
- Туз, гырджын аша, тюзлюк бла джаша.
- Ачылгъан эт джабылыр, кёрген кёз унутмаз.
- Кёб ант этген, кёб ётюрюк айтыр.
- Окъуусуз билим – джокъ, билимсиз кюнюнг – джокъ.
- Ач келгенни – тойдур, кеч келгенни – къондур.
- Игилик игилик бла сингдирилиучю затды.
- Джумушакъ сёз къаты таякъны сындырыр.
- Къуллукъчума, деб махтанма, къуллукъ – хаух джамчыды!
- Джолда аягъынга сакъ бол, ушакъда тилинге сакъ бол.
- Садакъачыны джаны – къапчыгъында.
- Оюмсуз атлагъан, аджалсыз ёлюр.
- Ана кёлю – балада, бала кёлю – талада.
- Акъыллы башны – тили къысха.
- Уясында не кёрсе, учханында аны этер.
- Керти сёзге тёре джокъ.
- Билмейме деген – бир сёз
- Тилчиден кери бол.
- Къызын тута билмеген, тул этер, джашын тута билмеген, къул этер.
- Акъыл къартда, джашда тюйюлдю – башдады.
- Мураты болгъанны джюрек тебюую башхады.
- Бойнуму джети джерден кессенг да, мен ол ишни этеллик тюлме.
- Арбаз сайлама да, хоншу сайла.
- Халкъны джырын джырласанг, халкъ санга эжиу этер.
- Шекер бла туз – бир болмаз, ушамагъан – юй болмаз.
- Ашына кёре табагъы, балына кёре къалагъы.
- Джашлыкъ этмеген, башлыкъ этмез.
Профиль
|
|
|||