- Ата – билек, ана – джюрек!
- Иги сеники эсе да, сюйген кесимикин этеме.
- Азыкъ аз болса, эртде орун сал.
- Башы джабылгъан челекге, кир тюшмез.
- Хоншуну тауугъу къаз кёрюнюр, келини къыз кёрюнюр.
- Къуру гыбыт бек дыгъырдар.
- Къайгъы тюбю – тенгиз.
- Тилсиз миллет джокъ болур.
- Эл бла кёргенинг эрелей.
- Ауругъанны сау билмез, ач къарынны токъ билмез.
- Айраннга суу къош, телиге джол бош.
- Хар зат кесини орнуна иги.
- Тулпарлыкъ, билекден тюл – джюрекден.
- Уллу сёлешме да, уллу къаб.
- Сабий болмагъан джерде, мёлек болмаз.
- Айранны сюйген, ийнек тутар.
- Билим – акъылны чырагъы.
- Эшекге миннген – биринчи айыб, андан джыгъылгъан – экинчи айыб.
- Билим ат болуб да чабар, къуш болуб да учар.
- Бичгенде ашыкъма, тикгенде ашыкъ.
- Арыгъан къош чамчы болур.
- Суугъа – таянма, джаугъа – ийнанма.
- Мураты болгъанны джюрек тебюую башхады.
- Босагъагъа джууукъ орун болса, ашыгъыб тёрге озма.
- Байны къызы баймакъ болса да, юйде къалмаз!
- Къайгъыны сюйген, къайгъы табар.
- Ата Джуртун танымагъан, атасын да танымаз.
- Джангызны оту джарыкъ джанмаз!
- Бозаны арты дауур болур.
- Хар сёзню орну барды.
- Эр абынмай, эл танымаз.
- Джашынгы кесинг юретмесенг, джашау юретир.
- Тамчы таш тешер.
- Башы ишлегенни, ауузу да ишлер.
- Нарт сёз къарт болмаз.
- Чыбыкълыкъда бюгюлмеген, къазыкълыкъда бюгюлмей эди.
- Кёзден кетген, кёлден да кетеди.
- Айранын берсенг, челегин да къызгъанма.
- Юйлю уругъа ит чабмаз.
- Чакъырылмагъан джерге барма, чакъырылгъан джерден къалма.
- Байлыкъдан саулукъ ашхыды.
- Чалманны аллы къалай башланса, арты да алай барады.
- Аджалсыз ёлюм болмаз.
- Тиширыусуз юй – отсуз от джагъа.
- Этни да ашады, бетни да ашады.
- Кёб джашагъан – кёб билир.
- Тешик этген тынчды, аны джамагъан къыйынды.
- Кесинге джетмегенни, кёб сёлешме.
- Къолу уллу – асыу, аягъы уллу – джарсыу.
- Къартны бурнун сюрт да, оноугъа тут.
Профиль
|
|
|
|||