- Бюгюн дуния кибик, тамбла ахыратды.
- Чакъырылмагъан джерге барма, чакъырылгъан джерден къалма.
- Тил бла келеди джыр да.
- Кенгеш болса, уруш болмаз.
- Ана кёлю – балада, бала кёлю – талада.
- Эркишиге тары кебек танг кёрюнюр.
- Къан бла кирген, джан бла чыгъар.
- Уллу суу бла уллу ауруудан башынгы сакъла.
- Къатын байлыкъны сюер, эр саулукъну сюер.
- Биреуге кёлтюрген таягъынг, кесинги башынга урур.
- Ач да бол, токъ да бол – намысынга бек бол.
- Эки ойлашыб, бир сёлешген.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джауумдан сора, кюн кюйдюрюр, ётюрюкден сора, айыб кюйдюрюр.
- Арба аугъандан сора, джол кёргюзтюучю кёб болур.
- Чомартны къолун джокълукъ байлар.
- Хата – гитчеден.
- Аджал соруб келмез, келсе, къайтыб кетмез.
- Тин – байлыгъынг, терен саулугъунг.
- Къошда джокъгъа – юлюш джокъ.
- Тилчи бир сагъатха айлыкъ хата этер.
- Тамчы таш тешер.
- Бек ашыкъгъан меннге джетсин, дегенди аракъы.
- Байдан умут эте, джарлыдан ёгюз багъасы къорады.
- Джангыз терек къынгыр ёсер.
- Кёб джашагъан – кёб билир.
- Эшекге миннген – биринчи айыб, андан джыгъылгъан – экинчи айыб.
- Сууда джау джокъ, кёб сёзде магъана джокъ.
- Агъач – джерни чырайы, кийим – эрни чырайы.
- Кютгени беш эчки, сызгъыргъаны уа, джерни джарады.
- Ишленмеклик адамлыкъды.
- Къызын тута билмеген, тул этер, джашын тута билмеген, къул этер.
- Эрине къаргъыш этген къатын, эрнин къабар.
- Эрни эр этерик да, къара джер этерик да, тиширыуду.
- Ачлыкъда тары гырджын халыуадан татлы.
- Керек ташны ауурлугъу джокъ.
- Ауругъанны сау билмез, ач къарынны токъ билмез.
- Тенги кёбню джау алмаз, акъылы кёбню дау алмаз.
- Джаз бир кюнню джатсанг, къыш талай кюнню абынырса.
- Ачлыкъ отха секиртир.
- Мал тутхан – май джалар.
- Къыйынлы джети элни къайгъысын этер.
- Хоншуну тауугъу къаз кёрюнюр, келини къыз кёрюнюр.
- Игини сыйлагъан адетди.
- Аз сёлеш, кёб ишле.
- Тил – миллетни джаны.
- Нафысынгы айтханын этме, намысынгы айтханын эт.
- Акъыллы – эл иеси, тели – эл баласы.
- Аджалсыз ёлюм болмаз.
- Мухардан ач ычхынмаз.
Профиль
|
|
|||