- Акъдан къара болмаз.
- Тили узунну, намысы – къысха.
- Алтыда кюлмеген, алтмышда кюлмез.
- Бастасын ашагъан, хантусун да ичер.
- Шайтан алдады, тюзлюк къаргъады.
- Джюрек кёзден алгъа кёрюр.
- Тенгни тенглиги джашай барсанг билинир.
- Адам сёзге тынгыла, акъыл сёзню ангыла.
- Кёб джашагъан – кёб билир.
- Къан бла кирген, джан бла чыгъар.
- Иги сёз – джаннга азыкъ, аман сёз башха – къазыкъ.
- Ойнай-ойнай кёз чыгъар.
- Чомарт джарлы болмаз.
- Ашыкъгъанны этеги бутуна чырмалыр.
- Аллахха ийнаннган кишини, Аллах онгдурур ишин.
- Орундукъ тюбюнде атылсам да, орта джиликме, де да айлан.
- Мал ёлсе, сюек къалыр, адам ёлсе, иши къалыр.
- Къарыусузгъа кюлме, онгсузгъа тийме.
- Эки итни арасына сюек атма, эки адамны арасында сёз чыгъарма.
- Айтхан – тынч, этген – къыйын.
- Арыгъан къош чамчы болур.
- Ана къойну – балагъа джандет.
- Ана кёлю – балада, бала кёлю – талада.
- Къумурсхала джыйылсала, пилни да джыгъадыла.
- Терек ауса, отунчу – кёб.
- Джарлыны тону джаз битер.
- Насыблы элин сюер, насыбсыз кесин сюер.
- Уллу сёлешме да, уллу къаб.
- Ханнга да келеди хариблик.
- Ашхы тенг джолгъа салыр, аман тенг джолдан тайдырыр.
- Джолда аягъынга сакъ бол, ушакъда тилинге сакъ бол.
- Ана къолу ачытмаз.
- Аманны тукъумуна къарама, игини тукъумун сорма.
- Намыс сатылыб алынмайды.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джахил болса анасы, не билликди баласы?
- Гитче джилтин уллу элни джандырыр.
- Эл элде бирер малынг болгъандан эсе, бирер тенгинг болсун.
- Джигер – джаннга къыйынлыкъ.
- Кесине оноу эте билмеген, халкъына да эте билмез.
- Тенгинг джокъ эсе – изле, бар эсе – сакъла!
- Баргъанынга кёре болур келгенинг.
- Байлыкъ адамны сокъур этер.
- Къарын къуру болса, джюрек уру болур.
- Бет бетге къараса, бет да джерге къарар.
- Башынга джетмегенни сорма.
- Акъыллы эркиши атын махтар, акъылсыз эркиши къатынын махтар.
- Магъанасыз сёз – тауушсуз сыбызгъы.
- Аджашханны ызындагъы кёреди, джангылгъанны джанындагъы биледи.
- Гугук кесини атын айтыб къычыргъанча, мен, мен деб нек тураса?
Профиль
|
|
|
|||