- Дуния мал дунияда къалады.
- Кюл тюбюндеги от кёрюнмейди.
- Билгенни къолу къарны джандырыр.
- Ачыкъ джюрекге джол – ачыкъ.
- Нарт сёз къарт болмаз.
- Кёбню кёрген – кёб билир.
- Илму – джашауну джолу.
- Чомарт джарлы болмаз.
- Аз сёлеш, кёб ишле.
- Рысхы джалгъанды: келген да этер, кетген да этер.
- Сабыр джетер муратха, сабырсыз къалыр уятха.
- Ышармагъан – кюлмез, кюлмеген – къууанчны билмез.
- Ишленмеген джаш – джюгенсиз ат, ишленмеген къыз – тузсуз хант.
- Болджал ишни бёрю ашар.
- Чыбыкълыкъда бюгюлмеген, къазыкълыкъда бюгюлмей эди.
- Мухар, кеси тойса да, кёзю тоймаз.
- Дуния аламаты сен эсенг да, игиме деб айтма.
- Азыкъ аз болса, эртде орун сал.
- Тау башында, тау болмаз, джангыз терек, бау болмаз.
- Кёбден умут этиб, аздан къуру къалма.
- Кёпюр салгъан кеси ётер, уру къазгъан кеси кетер.
- Тил – миллетни джаны.
- Шапа кёб болса, аш татымсыз болур.
- Тойну къарнашы – харс, джырны къарнашы – эжиу.
- Баргъанынга кёре болур келгенинг.
- Адамны сыфатына къарама, сёзюне къара.
- Эки итни арасына сюек атма, эки адамны арасында сёз чыгъарма.
- Къарт бла баш аша, джаш бла аякъ аша.
- Ойнаб айтсанг да, эслеб айт.
- Тойгъанлыкъ къойгъа джарашады.
- Аджалсыз ёлюм болмаз.
- Бек ашыкъгъан меннге джетсин, дегенди аракъы.
- Къонагъы джокъну – шоху джокъ.
- Къайгъы тюбю – тенгиз.
- Билмегенинги, билгеннге сор.
- Аш хазыр болса, иш харам болур.
- Эркиши – от, тиширыу – суу.
- Тешик этген тынчды, аны джамагъан къыйынды.
- Ишлегенде эринме, ишде чолакъ кёрюнме.
- Аман эсирсе, юйюн ояр.
- Биреуге аманлыкъ этиб, кесинге игилик табмазса.
- Тойчу джашха къарама, къойчу джашха къара.
- Ауругъан – джашаудан умутчу.
- Эл ауузу – элек, анга ийнаннган – халек.
- Къатын къылыкъсыз, эр тынчлыкъсыз.
- Аман адам элни бир-бирине джау этер.
- Къартха ушагъан джаш – акъыллы, джашха ушагъан къарт – тели.
- Булут кёкге джарашыу, уят бетге джарашыу.
- Ханы къызы буюгъа-буюгъа киштик болду.
- Хар ишни да аллы къыйынды.
Профиль
|
|
|||