- Айыбны суу бла джууалмазса.
- Тилсиз миллет джокъ болур.
- Гырджын – тепсини тамадасы.
- Къыз тиширыу кеси юйюнде да къонакъды.
- Тойгъа барсанг, тоюб бар, эски тонунгу къоюб бар.
- Азыкълы ат арымаз, къатыны аман джарымаз.
- Акъыл сабырлыкъ берир.
- Къонакъ болсанг, ийнакъ бол.
- Сакъалы текени да бар, мыйыгъы киштикни да бар.
- Намыс болмагъан джерде, насыб болмаз.
- Бойнуму джети джерден кессенг да, мен ол ишни этеллик тюлме.
- Бек ашыкъгъан меннге джетсин, дегенди аракъы.
- Хазыр ашха – терен къашыкъ.
- Ишин билген, аны сыйын чыгъарады.
- Алтыда кюлмеген, алтмышда кюлмез.
- Ашхы болсанг, атынг чыгъар, аман болсанг, джанынг чыгъар.
- Акъылсызны джууукъгъа алма, акъыллыны кенгнге салма.
- Намыс сатылыб алынмайды.
- Ойнай билмеген, уруб къачар.
- Аз сёлеш, кёб ишле.
- Ашлыкъ – бюртюкден, джюн – тюкден.
- Кёрмегеннге кебек – танг, битмегеннге сакъал – танг.
- Акъыл неден да кючлюдю.
- Бир онгсуз адам адет чыгъарды, деб эштирик тюлсе.
- Ач келгенни – тойдур, кеч келгенни – къондур.
- Аш иеси бла татлыды.
- Кесинг сынамагъан затны, адамгъа буюрма.
- Къонакъ хазыр болгъанлыкъгъа, къонакъбай хазыр тюлдю.
- Адамны аты башхача, акъылы да башхады.
- Къалгъан ишге къар джауар.
- Аш хазыр болса, иш харам болур.
- Ишни аллы бла къууанма да, арты бла къууан.
- Бал – татлы, балдан да бала – татлы.
- Билим ат болуб да чабар, къуш болуб да учар.
- Байма, деб да, къууанма, джарлыма, деб да, джылама.
- Айранын берсенг, челегин да къызгъанма.
- Окъ къызбайны джокълайды.
- Джаз бир кюнню джатсанг, къыш талай кюнню абынырса.
- Къан бла кирген, джан бла чыгъар.
- Эртде тургъан бла эртде юйленнген сокъуранмаз.
- Джюрек кёзден алгъа кёрюр.
- Ач къалгъандан, кеч къалгъан къолай.
- Къошда джокъгъа – юлюш джокъ.
- Хансыз джомакъ болмаз.
- Адам къыйынлыгъын кёлтюрюр, зауукълугъун кёлтюрмез.
- Нёгер болсанг, тенг бол, тенг болмасанг, кенг бол.
- Айран ичген – къутулду, джугъусун джалагъан – тутулду.
- Эски джаугъа ышанма.
- Къартны сыйын кёрмеген, къартлыгъында сыйлы болмаз.
- Орну джокъну – сыйы джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72