- Чалманны аллы къалай башланса, арты да алай барады.
- Кенгеш болса, уруш болмаз.
- Башы джабылгъан челекге, кир тюшмез.
- Тешик этген тынчды, аны джамагъан къыйынды.
- Бетинги сатма, малынгы сат.
- Адамны аманы адамны бети бла ойнар.
- Адамны артындан къара сабан сюрме.
- Таукел тауну аудурур.
- Чабакъсыз кёлге къармакъ салгъанлыкъгъа, чабакъ тутмазса.
- Ашыкъгъанны этеги бутуна чырмалыр.
- Джарлы тюеге минсе да, ит къабар.
- Джырына кёре эжиую.
- Тау башында, тау болмаз, джангыз терек, бау болмаз.
- Нарт сёз – тилни бети.
- Арба аугъандан сора, джол кёргюзтюучю кёб болур.
- Суу кетер, таш къалыр.
- Гугук кесини атын айтыб къычыргъанча, мен, мен деб нек тураса?
- Эки ойлашыб, бир сёлешген.
- Адамны аты башхача, акъылы да башхады.
- Тюзню ётмеги тюзде къалса да, тас болмаз.
- Aдам боллукъ, сыфатындан белгили.
- Ишлемеген – тишлемез.
- Кёзюнде тереги болгъан, чёбю болгъаннга кюле эди.
- Ашхылыкъ джерде джатмайды, аманлыкъ суугъа батмайды.
- Хоншуну тауугъу къаз кёрюнюр, келини къыз кёрюнюр.
- Сабыр джетер муратха, сабырсыз къалыр уятха.
- Тамырсыз терекге таянма – джыгъылырса.
- Уллу айтханны этмеген – уллаймаз.
- Айтхан – тынч, этген – къыйын.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эл бла кёргенинг эрелей.
- Ата – билек, ана – джюрек!
- Кюн – узун, ёмюр – къысха.
- Сёз къанатсыз учар.
- Эте билген, этген этеди, эте билмеген, юретген этеди!
- Къартны бурнун сюрт да, оноугъа тут.
- Аджаллыгъа окъсуз шкок атылыр.
- Акъылсызны джууукъгъа алма, акъыллыны кенгнге салма.
- Тилчи бир сагъатха айлыкъ хата этер.
- Тойгъан джерге джети къайт.
- Тойгъандан сора, ашны сёкме.
- Ёксюзню тилеги къабыл болур.
- Мухар, кеси тойса да, кёзю тоймаз.
- Тёзген – тёш ашар!
- Ишлегенде эринме, ишде чолакъ кёрюнме.
- Душманны тышы – акъ, ичи – къара.
- Къонакъ аз олтурур, кёб сынар.
- Ариу сёз аурууунгу алыр.
- Чыбыкълыкъда бюгюлмеген, къазыкълыкъда бюгюлмей эди.
- Къызны минг тилер, бир алыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72