- Ашда – бёрю, ишде – ёлю.
- Иги адам абынса да, джангылмаз.
- Эркиши – от, тиширыу – суу.
- Окъугъанны бети джарыкъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ханы къызы буюгъа-буюгъа киштик болду.
- Сёз сёзню айтдырыр.
- Арыгъан къош чамчы болур.
- Ауругъан – джашаудан умутчу.
- Ата джурт – алтын бешик.
- Тынгылагъан тынгы бузар.
- Биреуню эскиси биреуге джангы болмайды.
- Биреуню тёрюнден, кесинги эшик артынг игиди.
- Башда акъыл болмаса, эки аякъгъа кюч джетер.
- Тойчу джашха къарама, къойчу джашха къара.
- Нарт сёз – тилни бети.
- Джылкъыдан – ат чыгъар, тукъумдан – джаш чыгъар.
- Гитче джилтин уллу элни джандырыр.
- Къууут – джелге, берне – бошха.
- Биреуню къыйынлыгъы бла кесинге джол ишлеме.
- Битмегеннге сакъал – танг.
- Джырчы ёлсе, джыры къалыр.
- Ойнай билмеген, уруб къачар.
- Айраннга суу къош, телиге джол бош.
- Чакъырылгъанны аты, чакъырылмагъанны багъасы болур.
- Тил – кесген бычакъ, сёз – атылгъан окъ.
- Билим къая тешер.
- Онгсузну – джакъла, тенгликни – сакъла.
- Къая джолда джортма, ачыкъ сёзден къоркъма.
- Эм ашхы къайын ана мамукъ бла башынгы тешер.
- Экеулен сёлеше тура эселе, орталарына барыб кирме.
- Кёлю джокъну – джолу джокъ.
- Кёлсюзден сёзсюз тууар.
- Ышармагъан – кюлмез, кюлмеген – къууанчны билмез.
- Кенгеш болса, уруш болмаз.
- Башы ишлегенни, ауузу да ишлер.
- Тай асырагъан, атха минер.
- Aдам боллукъ, сыфатындан белгили.
- Байлыкъдан саулукъ ашхыды.
- Бойнуму джети джерден кессенг да, мен ол ишни этеллик тюлме.
- Къар – келтирди, суу – элтди.
- Кеси юйюмде мен да ханма.
- Билим насыб берир, билим джолну керир.
- Хоншуну тауугъу къаз кёрюнюр, келини къыз кёрюнюр.
- Атадан ёксюз – бир ёксюз, анадан ёксюз – эки ёксюз.
- Магъанасыз сёз – тауушсуз сыбызгъы.
- Ач уят къоймаз.
- Ариу сёз аурууунгу алыр.
- Хар ишни да аллы къыйынды.
- Тёрде – темир таякълы, къаяда – чыпчыкъ аякълы.
Профиль
|
|
|||