- Ач, тоймам, дейди, тойгъан, ач болмам, дейди.
- Чомартны къолу берекет.
- Эри аманны, къатыны – аман.
- Окъугъан озар, окъумагъан тозар.
- Орну джокъну – сыйы джокъ.
- Аман адам элни бир-бирине джау этер.
- Хаухну атма, ёнгкючню сатма.
- Кийимни бичсенг, кенг бич, тар этген къыйын тюлдю.
- Гыдай эчки суугъа къараб, мюйюзле кёрмесе, джашма алкъын, дегенди.
- Ышармагъан – кюлмез, кюлмеген – къууанчны билмез.
- Адамгъа аман кюн соруб келмейди.
- Аллахха ийнаннган кишини, Аллах онгдурур ишин.
- Ачыу алгъа келсе, акъыл артха къалады.
- Джашда акъыл джокъ, къартда къарыу джокъ.
- Бёрю да ач къалмасын, эчки да ашалмасын.
- Элге къуллукъ этмеген, элге ие болмаз.
- Тамбла алтындан бюгюн багъыр ашхы.
- Къонакъ аман болса, къонакъбай джунчур
- Къарнынг къанлынга кийирир.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ат да турмайды бир териде.
- Сёлеш деб шай берген, тохта деб, сом берген.
- Хансыз джомакъ болмаз.
- Эм ашхы къайын ана мамукъ бла башынгы тешер.
- Уллу сёзде уят джокъ.
- Адам сёзюнден белгили.
- Кёбден умут этиб, аздан къуру къалма.
- Къартха ушагъан джаш – акъыллы, джашха ушагъан къарт – тели.
- Къонакъ кёб келюучю юйню, къазаны отдан тюшмез.
- Мухарны эси – ашарыкъда.
- Билимли ёлмез, билимсиз кёрмез.
- Кюлме джашха – келир башха.
- Джол бла сёзню къыйыры джокъ.
- Битмегеннге сакъал – танг.
- Аджал соруб келмез, келсе, къайтыб кетмез.
- Джумушакъ сёз къаты таякъны сындырыр.
- Эртде тургъан джылкъычыны эркек аты тай табар.
- Чабакъгъа акъыл, табагъа тюшсе келеди.
- Тамчы таш тешер.
- Къолунгдан къуймакъ ашатсанг да, атаны борчундан къутулмазса.
- Суугъа – чабакъ, къаягъа – ыргъакъ.
- Аджаллыгъа окъсуз шкок атылыр.
- Чомарт джарлы болмаз.
- Биреуню къыйынлыгъы бла кесинге джол ишлеме.
- Ойнай билмеген, оюн бузар.
- Байлыкъ келсе, акъыл кетер.
- Къуру гыбыт бек дыгъырдар.
- Ач келгенни – тойдур, кеч келгенни – къондур.
- Атынг аманнга чыкъгъандан эсе, джанынг тамагъынгдан чыкъсын.
- Адам боллукъ, атламындан белгили болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72