- Кёкдеги болмаса, джердегин кёрмейди.
- Ата – баланы уясы.
- Кютгени беш эчки, сызгъыргъаны уа, джерни джарады.
- Эки къатын алгъанны къулагъы тынгнгаймаз.
- Окъдан джара эртде-кеч болса да бителир, сёз джара, ёмюрге къалыр.
- Абынмазлыкъ аякъ джокъ, джангылмазлыкъ джаякъ джокъ.
- Тёгюлген тюгел джыйылмайды.
- Иги джашны ышаны – аз сёлешиб, кёб тынгылар.
- Акъыл сабырлыкъ берир.
- Адамны артындан къара сабан сюрме.
- Билими азны – ауузунда кирит.
- Кимни – тили, тиши онглу, кимни – къолу, иши онглу.
- Эринчекни эр алмаз, эр алса да, кёл салмаз, кёл салса да, кёб бармаз!
- Бети бедерден, намыс сакълама.
- Керек ташны ауурлугъу джокъ.
- Кийиминг бла танылма, адамлыкъ бла таныл.
- Къызгъанчдан ычхыныр, мухардан ычхынмаз.
- Ётюрюкню къуйругъу – бир тутум.
- Керти сёзге тёре джокъ.
- Окъуу – билимни ачхычы, окъуу – дунияны бачхычы.
- Зар адамны насыбы болмаз.
- Уруну арты – къуру.
- Ашхы атаны – джашы ашхы, ашхы ананы – къызы ашхы.
- Тилчи бир сагъатха айлыкъ хата этер.
- Айтхан сёзюне табылгъан.
- Кюлме джашха – келир башха.
- Сагъышы джокъ – джукъучу, акъылы джокъ – къаугъачы.
- Биреу къой излей, биреу той излей.
- Ач къалгъандан, кеч къалгъан къолай.
- Бек ашыкъгъан меннге джетсин, дегенди аракъы.
- Босагъагъа джууукъ орун болса, ашыгъыб тёрге озма.
- Чомарт джарлы болмаз.
- Аджалсыз ёлюм болмаз.
- Намысы джокъну – дуниясы джокъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джетген къыз джерли эшекни танымаз.
- Ишлерге уял да, ашаргъа табма.
- Душманны тышы – акъ, ичи – къара.
- Ашатыргъа иш – ашхы, ишлетирге аш – ашхы.
- Джашны джигитлиги сорулур, къызны джигерлиги сорулур.
- Башланнган иш битер, къымылдагъан тиш тюшер.
- Миллетни бойну – базыкъ, аны бла кюрешген – джазыкъ.
- Адеб этмеген, адеб кёрмез.
- Къазанны башы ачыкъ болса, итге уят керекди.
- Татлы тилде – сёз ариу, чемер къолда – иш ариу.
- Тойгъа алгъа да барма, тойда артха да къалма.
- Бермеген къол, алмайды.
- Бичгенде ашыкъма, тикгенде ашыкъ.
- Эл тойса, тоймагъан, эл къойса, къоймагъан.
- Айныгъанлы алты кюн, тогъайгъанлы тогъуз кюн.
Профиль
|
|
|
|||