Эльбрусоид :: Форум :: Архив форумов

Бёрю да ач къалмасын, эчки да ашалмасын.
Ишин билген, аны сыйын чыгъарады.
Башы джабылгъан челекге, кир тюшмез.
Ауузу аманнга «иги», деме.
Элни кючю – эмеген.
Аз сёлеш, кёб ишле.
Аш хазыр болса, иш харам болур.
Окъуусуз билим – джокъ, билимсиз кюнюнг – джокъ.
«Ёгюз, джаргъа джууукъ барма, меннге джюк боллукъса», - дегенди эшек.
Телиге акъыл салгъандан эсе, ёлгеннге джан салырса.
Мухар, кеси тойса да, кёзю тоймаз.
Чабар ат – джетген къыз.
Бети – къучакълар, джюреги – бычакълар.
Хата – гитчеден.
Сабий кёргенин унутмаз.
Киштикге къанат битсе, чыпчыкъ къалмаз эди.
Чомартха хар кюн да байрамды.
Аман къатын алгъан, арыр, иги къатын алгъан джарыр.
Ачыу алгъа келсе, акъыл артха къалады.
Иги джашны ышаны – аз сёлешиб, кёб тынгылар.
Кёбню кёрген – кёб билир.
Къонакъ болсанг, ийнакъ бол.
Окъдан джара эртде-кеч болса да бителир, сёз джара, ёмюрге къалыр.
Окъумагъан сокъурду, сокъур ташха абыныр!
Джахил болса анасы, не билликди баласы?
Адамны джюреги нени кёрюрге сюйсе, кёзю да аны кёрюрге ёч болады.
Къазанчы аман болса, къазаны къайнамаз.
Тилчи бир сагъатха айлыкъ хата этер.
Ач уят къоймаз.
Халкъгъа джарагъан, джарлы къалмаз.
Болджал ишни бёрю ашар.
Эм ашхы къайын ана мамукъ бла башынгы тешер.
Бек анасы джыламаз.
Танг атмайма десе да, кюн къоярыкъ тюйюлдю.
Тамырсыз терекге таянма – джыгъылырса.
Джукъу тёшек сайламайды.
Айтхан сёзюне табылгъан.
Аякъларынгы джууургъанынга кёре узат.
Намысы болмагъанны, сыйы болмаз.
Сабийликде юретмесенг, уллу болса – тюзелмез.
Ач къарынны, токъ билмез
Джыланны къуйругъундан басарынг келсе, аны башы болгъанын унутма.
Билими азны – ауузунда кирит.
Адам сёзюнден белгили.
Джаханимни кёрмей, джандетге кёл салмазса.
Сютден ауузу кюйген, суугъа юфгюре эди.
Окъугъан озар, окъумагъан тозар.
Кёзден кетген, кёлден да кетеди.
Къартны сыйын кёрмеген, къартлыгъында сыйлы болмаз.
Келлик заман – къартлыкъ келтирир, кетген заман – джашлыкъ ёлтюрюр.

Логин:
Пароль:
	Запомнить меня на этом компьютере

Забыли свой пароль?
Регистрация