- Мал ёлсе, сюек къалыр, адам ёлсе, иши къалыр.
- Татлы сёз – балдан татлы.
- Аман адам этегингден тутса, кес да къач.
- Хунаны тюбюн къазсанг, юсюнге ауар.
- Джюз элде джюз ёгюзюм болгъандан эсе, джюз джууугъум болсун.
- Телиге от эт десенг, юйюнге от салыр.
- Булут кёкге джарашыу, уят бетге джарашыу.
- Чыбыкълыкъда бюгюлмеген, къазыкълыкъда бюгюлмей эди.
- Ата – билек, ана – джюрек!
- Таш ата билмеген, башына урур.
- Сууда джау джокъ, кёб сёзде магъана джокъ.
- Джаханимни кёрмей, джандетге кёл салмазса.
- Айырылгъанланы айю ашар, бёлюннгенлени бёрю ашар.
- Суугъа – таянма, джаугъа – ийнанма.
- Биреуню тёрюнден, кесинги эшик артынг игиди.
- Айтылгъан буйрукъ, сёгюлмез
- Ауругъан – джашаудан умутчу.
- Эл тойса, тоймагъан, эл къойса, къоймагъан.
- Къобан да къуру да къобханлай турмайды, адам да къуру да патчахлай турмайды.
- Aдам боллукъ, сыфатындан белгили.
- Билим къая тешер.
- Шапа кёб болса, аш татымсыз болур.
- Къая джолда джортма, ачыкъ сёзден къоркъма.
- Окъдан джара эртде-кеч болса да бителир, сёз джара, ёмюрге къалыр.
- Тилчиден кери бол.
- Адамгъа аман кюн соруб келмейди.
- Тенгинг джокъ эсе – изле, бар эсе – сакъла!
- Алим болгъандан эсе, адам болгъан къыйынды.
- Хатерли къул болур.
- Бал – татлы, балдан да бала – татлы.
- Къозулугъунда тоймагъан, къойлугъунда тоймаз.
- Арыгъан къош чамчы болур.
- Арбаз сайлама да, хоншу сайла.
- Джюрекге ариу – кёзге да ариу.
- Дженгил джетерикме деб, узун джолну къоюб, къысхасын барма.
- Тёзген – тёш ашар!
- Джигер – джаннга къыйынлыкъ.
- Уллу къазанда бишген эт, чий къалмаз.
- Ариу сёз – къылычдан джити.
- Хар адамгъа кеси миннген тау кибик.
- Ашыкъгъан cуу, тенгизге джетмез.
- Ашыкъгъанны этеги бутуна чырмалыр.
- Биреу къой излей, биреу той излей.
- Мураты болгъанны джюрек тебюую башхады.
- Атадан ёксюз – бир ёксюз, анадан ёксюз – эки ёксюз.
- Зар адамны насыбы болмаз.
- Эртде тургъан джылкъычыны эркек аты тай табар.
- Адамны джюреги нени кёрюрге сюйсе, кёзю да аны кёрюрге ёч болады.
- Джашда акъыл джокъ, къартда къарыу джокъ.
- Эр сокъур болсун, къатын тилсиз болсун.
Профиль
|
|
|||