- Эр сокъур болсун, къатын тилсиз болсун.
- Баш болса, бёрк табылыр.
- Адеби болмагъан къыз – тузсуз хант.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Бёрю да ач къалмасын, эчки да ашалмасын.
- Элни кючю – эмеген.
- Чакъырылгъанны аты, чакъырылмагъанны багъасы болур.
- Сабий кёргенин унутмаз.
- Сютню башын джалагъан къутулур, тюбюн ичген тутулур.
- Кёбге таш атма.
- Экеулен сёлеше тура эселе, орталарына барыб кирме.
- Сагъышы джокъ – джукъучу, акъылы джокъ – къаугъачы.
- Харам къарнашдан, халал тенг ашхы.
- Телини эшигин, махтау джабар.
- Чыбыкълыкъда бюгюлмеген, къазыкълыкъда бюгюлмей эди.
- Ишин билген, аны сыйын чыгъарады.
- Тёгюлген тюгел джыйылмайды.
- Уруну арты – къуру.
- Сакъалы текени да бар, мыйыгъы киштикни да бар.
- Бермеген къол, алмайды.
- Ёксюзню тилеги къабыл болур.
- Нёгерсизни джолу узун.
- Игини сыйлагъан адетди.
- Ата Джуртуму башы болмасам да, босагъасында ташы болайым.
- Ашын ашагъанынгы, башын да сыйла.
- Ауурну тюбю бла, дженгилни башы бла джюрюген.
- Эки къатын алгъан – эки ташны ортасына башын салгъан.
- Адамны бетине къарама, адетине къара.
- Аджаллыгъа окъсуз шкок атылыр.
- Баланы адам этген анады.
- Кечеси – аяз, кюню – къыш, джарлы къаргъагъа бир аш тюш!
- Ойнай билмеген, уруб къачар.
- Кёб джат да, бек чаб.
- Кёпюр салгъан кеси ётер, уру къазгъан кеси кетер.
- Бир абыннган – минг сюрюнюр.
- Агъач – джерни чырайы, кийим – эрни чырайы.
- Орну джокъну – сыйы джокъ.
- Эри аманны, къатыны – аман.
- Телиге от эт десенг, юйюнге от салыр.
- Аманнга алтын чыдамаз.
- Къарын къуру болса, джюрек уру болур.
- Ишлегенде эринме, ишде чолакъ кёрюнме.
- Айран тёгюлсе, джугъусу къалыр.
- Ашхы сёз таш тешер.
- Айраннга суу къош, телиге джол бош.
- Джырына кёре эжиую.
- Ёлген эшек бёрюден къоркъмайды.
- Тёрени джагъы джокъ.
- Ат басханны джер билед.
- Махтаннган къыз, тойда джукълар.
Профиль
|
|
|
|||