- Мен да «сен», дейме, сен да «кесим», дейсе.
- Эски джаугъа ышанма.
- Алма терегинден кери кетмез.
- Джарлы эскисин джамаса, къууаныр.
- Джаш къарыу бла кючлю, къарт акъыл бла кючлю.
- Ач, тоймам, дейди, тойгъан, ач болмам, дейди.
- Игилик игилик бла сингдирилиучю затды.
- Ач – эснер, ат – кишнер.
- Чалманны аллы къалай башланса, арты да алай барады.
- Бек ашыкъгъан меннге джетсин, дегенди аракъы.
- Миллетни бойну – базыкъ, аны бла кюрешген – джазыкъ.
- Элиб деген, элге болушур.
- Джолунга кёре – джюрюшюнг, джагъанга кёре – юлюшюнг.
- Гугук кесини атын айтыб къычыргъанча, мен, мен деб нек тураса?
- Иги сёз – джаннга азыкъ, аман сёз башха – къазыкъ.
- Ана къойну – балагъа джандет.
- Кёлю джокъну – джолу джокъ.
- Босагъа таш юйге кирмей эди, тыбыр таш эшикге чыкъмай эди.
- Тойгъан антын унутур.
- Зарда марда джокъ.
- Джашлыкъ этмеген, башлыкъ этмез.
- Иги адам абынса да, джангылмаз.
- Акъдан къара болмаз.
- Бети – къучакълар, джюреги – бычакълар.
- Хунаны тюбюн къазсанг, юсюнге ауар.
- Ариу сёз – къылычдан джити.
- Джырчы джырчыгъа – къарнаш.
- Къартха ушагъан джаш – акъыллы, джашха ушагъан къарт – тели.
- Ёгюзню мюйюзюнден тутадыла, адамны сёзюнден тутадыла.
- Къазанны башы ачыкъ болса, итге уят керекди.
- Сютден ауузу кюйген, суугъа юфгюре эди.
- Къолу уллу – асыу, аягъы уллу – джарсыу.
- Къумурсхала джыйылсала, пилни да джыгъадыла.
- Сыфатында болмагъаны, суратында болмаз.
- Уллу суу бла уллу ауруудан башынгы сакъла.
- Къарнынг тойгъунчу аша да, белинг талгъынчы ишле.
- Чомарт джарлы болмаз.
- Агъач халкъгъа алтынды, иссиликге салкъынды.
- Тюкюрюк баш джармаз, налат кёз чыгъармаз!
- Ёпкелегенни ашы татлы болады.
- Тил бла келеди джыр да.
- Нарт сёз къарт болмаз.
- Таукел адам тау тешер.
- Джангыз торгъай джырламаз.
- Кюн – узун, ёмюр – къысха.
- Джыланны къуйругъундан басарынг келсе, аны башы болгъанын унутма.
- Билимли ёлмез, билимсиз кёрмез.
- Игини сыйлагъан адетди.
- Окъугъан – асыу, окъумагъан – джарсыу.
- Оюмсуз атлагъан, аджалсыз ёлюр.
Профиль
|
|
|
|||