- Къуру гыбыт бек дыгъырдар.
- Тойну къарнашы – харс, джырны къарнашы – эжиу.
- Акъыл къартда, джашда тюйюлдю – башдады.
- Чакъырылмагъан къонакъ – орунсуз.
- Ашыкъгъан cуу, тенгизге джетмез.
- Ханы къызы буюгъа-буюгъа киштик болду.
- Башы ишлегенни, ауузу да ишлер.
- Аман хансны – урлугъу кёб.
- Чомарт бергенин айтмаз.
- Баргъанынга кёре болур келгенинг.
- Джарлы эскисин джамаса, къууаныр.
- Халкъны джырын джырласанг, халкъ санга эжиу этер.
- Этни бети бла шорпасы.
- Ариу сёз аурууунгу алыр.
- Эрни эр этерик да, къара джер этерик да, тиширыуду.
- Уллу сёзде уят джокъ.
- Хансыз джомакъ болмаз.
- Бойнуму джети джерден кессенг да, мен ол ишни этеллик тюлме.
- Тил бла келеди джыр да.
- Иги адам абынса да, джангылмаз.
- Ашхы сёз таш тешер.
- Ишлемеген – тишлемез.
- Тойгъан антын унутур.
- Кечеси – аяз, кюню – къыш, джарлы къаргъагъа бир аш тюш!
- Игилик игилик бла сингдирилиучю затды.
- Келинни – келгинчи, бёркню кийгинчи кёр.
- Къумурсхала джыйылсала, пилни да джыгъадыла.
- Таякъ этден ётер, тил сюекден ётер.
- Таш ата билмеген, башына урур.
- Тёрде – темир таякълы, къаяда – чыпчыкъ аякълы.
- Кийим тукъум сордурур.
- Джыйырма къойну юч джыйырма эбзе кюте эди.
- Билими азны – ауузунда кирит.
- Кёзю сокъурдан – къоркъма, кёлю сокъурдан – къоркъ.
- Къуллукъчума, деб махтанма, къуллукъ – хаух джамчыды!
- Адамны джюреги нени кёрюрге сюйсе, кёзю да аны кёрюрге ёч болады.
- Халкъгъа джарагъан, джарлы къалмаз.
- Рысхы джалгъанды: келген да этер, кетген да этер.
- Урунуу – насыбны анасы.
- Джукъу тёшек сайламайды.
- Ачыкъ джюрекге джол – ачыкъ.
- Мураты болгъанны джюрек тебюую башхады.
- Хата – гитчеден.
- Сёз – кюмюш, джыр – алтын.
- Бети бедерден, намыс сакълама.
- Нёгерсизни джолу узун.
- Чомартны къолун джокълукъ байлар.
- Аш иеси бла татлыды.
- Босагъагъа джууукъ орун болса, ашыгъыб тёрге озма.
- Сёз сёзню айтдырыр.
Профиль
|
|
|
|||