- Таукел тауну аудурур.
- Гырджын – тепсини тамадасы.
- Кеси юйюмде мен да ханма.
- Юйлю уругъа ит чабмаз.
- Аджашхан тёгерек айланыр.
- Душманны тышы – акъ, ичи – къара.
- Аджал соруб келмез, келсе, къайтыб кетмез.
- Мен да «сен», дейме, сен да «кесим», дейсе.
- Агъач халкъгъа алтынды, иссиликге салкъынды.
- Мухардан ач ычхынмаз.
- Ким бла джюрюсенг, аны кёзю бла кёрюнюрсе.
- Кюн – узун, ёмюр – къысха.
- Адамны бетине къарама, адетине къара.
- Айраннга суу къош, телиге джол бош.
- Ач къарынны, токъ билмез
- Ариу сёз аурууунгу алыр.
- Кёлю джокъну – джолу джокъ.
- Термилгенинги табмазса, кюлгенинге тюберсе.
- Халкъгъа джарагъан, джарлы къалмаз.
- Экиндини кеч къылсанг, чабыб джетер ашхам.
- Къар – келтирди, суу – элтди.
- Ишин билген, аны сыйын чыгъарады.
- Байлыкъ болгъан джерде, тынчлыкъ джокъду.
- Аууздан келген, къолдан келсе, ким да патчах болур эди.
- Джылыгъа джылан илешир.
- Ауурну тюбю бла, дженгилни башы бла джюрюген.
- Акъдан къара болмаз.
- Таш ата билмеген, башына урур.
- Акъыллы башны – тили къысха.
- Ойнай билмеген, уруб къачар.
- Билимден уллу байлыкъ джокъду.
- Аллахха ийнаннган кишини, Аллах онгдурур ишин.
- Къонакъ кёб келюучю юйню, къазаны отдан тюшмез.
- Элиб деген, элге болушур.
- Биреуге кёлтюрген таягъынг, кесинги башынга урур.
- Аман эсирсе, юйюн ояр.
- Магъанасыз сёз – тауушсуз сыбызгъы.
- Джылар джаш, атасыны сакъалы бла ойнар.
- Окъугъанны бети джарыкъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Къая джолда джортма, ачыкъ сёзден къоркъма.
- Эм ашхы къайын ана мамукъ бла башынгы тешер.
- Эки ойлашыб, бир сёлешген.
- Орундукъ тюбюнде атылсам да, орта джиликме, де да айлан.
- Чомарт къолда мал къалмаз.
- Арбаз сайлама да, хоншу сайла.
- Терслик кетер, тюзлюк джетер.
- Тил – миллетни джаны.
- Садакъачыны джаны – къапчыгъында.
- Намысы болмагъанны, сыйы болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72