- Кёзю сокъурдан – къоркъма, кёлю сокъурдан – къоркъ.
- Аман къатын сабий табса, бий болур…
- Ашда – бёрю, ишде – ёлю.
- Аллахха ийнаннган кишини, Аллах онгдурур ишин.
- Джолунга кёре – джюрюшюнг, джагъанга кёре – юлюшюнг.
- Кёл ашады да, кеси ашады.
- Таукелге нюр джауар.
- Чомартха хар кюн да байрамды.
- Нёгер болсанг, тенг бол, тенг болмасанг, кенг бол.
- Бюгюн дуния кибик, тамбла ахыратды.
- Адебсиз адам – джюгенсиз ат.
- Айыбны суу бла джууалмазса.
- Кёлю джокъну – джолу джокъ.
- Намысы джокъну – дуниясы джокъ.
- Аманны тукъумуна къарама, игини тукъумун сорма.
- Акъыллы айтыр эди, акъылсыз къоймайды.
- Кёбден умут этиб, аздан къуру къалма.
- Айырылгъанланы айю ашар, бёлюннгенлени бёрю ашар.
- Хантына кёре тузу, юйюне кёре къызы.
- Термилгенинги табмазса, кюлгенинге тюберсе.
- Аман къатын алгъан, арыр, иги къатын алгъан джарыр.
- Гитче джилтин уллу элни джандырыр.
- Рысхы джалгъанды: келген да этер, кетген да этер.
- Иги адам абынса да, джангылмаз.
- Ётюрюкню башын керти кесер.
- Ариу сёз – къылычдан джити.
- Аз сёлеш, кёб ишле.
- Суу кетер, таш къалыр.
- Хансыз джомакъ болмаз.
- Эр абынмай, эл танымаз.
- Къартха ушагъан джаш – акъыллы, джашха ушагъан къарт – тели.
- Бойнуму джети джерден кессенг да, мен ол ишни этеллик тюлме.
- Адам боллукъ, атламындан белгили болур.
- Къуру гыбыт бек дыгъырдар.
- Къарнынг бла ёч алма.
- Тили узунну, намысы – къысха.
- Къонакъ болсанг, ийнакъ бол.
- Айырылмаз джууугъунга, унутмаз сёзню айтма.
- Джылар джаш, атасыны сакъалы бла ойнар.
- Ана – юйню кюн джарыгъы.
- Ашхы тенг джолгъа салыр, аман тенг джолдан тайдырыр.
- Джарлыны эшигин махтагъан джабар.
- Къазанда болса, чолпугъа чыгъар.
- Джаш болсун, къыз болсун, акъылы, саны тюз болсун.
- Джол бла сёзню къыйыры джокъ.
- Арбаз къынгырды да, ийнек сауалмайма.
- Ёлген эшек бёрюден къоркъмайды.
- Аууз сакълагъан – джан сакълар.
- Сууда джау джокъ, кёб сёзде магъана джокъ.
- Тели турса – той бузар.
Профиль
|
|
|||