- Кеси юйюмде мен да ханма.
- Акъыл сабырлыкъ берир.
- Башы джабылгъан челекге, кир тюшмез.
- Адам сёзге тынгыла, акъыл сёзню ангыла.
- Джашны джигитлиги сорулур, къызны джигерлиги сорулур.
- Ач къарынны, токъ билмез
- Эллинг бла джау болсанг да, юйюнг бла джау болма.
- Олтуруб кёрюнмей эди да, ёрге туруб кёрюне эди.
- Эшекни не къадар тюйсенг да, ат болмаз.
- Тилде сюек болмаса да, сюек сындырыр.
- Билмегенинги, билгеннге сор.
- Ёксюзню тилеги къабыл болур.
- Джарлы эскисин джамаса, къууаныр.
- Нафысынгы айтханын этме, намысынгы айтханын эт.
- Халкъны юйю – туугъан джери.
- Тёрде – темир таякълы, къаяда – чыпчыкъ аякълы.
- Уллу къашыкъ эрин джыртар.
- Хар сёзню орну барды.
- Гыдай эчки суугъа къараб, мюйюзле кёрмесе, джашма алкъын, дегенди.
- Уллу къазанда бишген эт, чий къалмаз.
- Ата Джуртча джер болмаз, туугъан элча эл болмаз.
- Уруну арты – къуру.
- Чакъырылгъанны аты, чакъырылмагъанны багъасы болур.
- Уллу сёзде уят джокъ.
- Уллу атлама – абынырса, уллу къабма – къарылырса.
- Биреуню эскиси биреуге джангы болмайды.
- Бойнуму джети джерден кессенг да, мен ол ишни этеллик тюлме.
- Аджашхан тёгерек айланыр.
- Артына баргъанны, къатына барма.
- Ёгюзню мюйюзлери ауурлукъ этмейдиле.
- Къозулугъунда тоймагъан, къойлугъунда тоймаз.
- Аманны къуугъан, аманлыкъ табар.
- Джарлы тюеге минсе да, ит къабар.
- Джюз элде джюз ёгюзюм болгъандан эсе, джюз джууугъум болсун.
- Тюзлюк тас болмайды.
- Аш иеси бла татлыды.
- Чомарт къолда мал къалмаз.
- Алтыда кюлмеген, алтмышда кюлмез.
- От кюйдюрген, сау болса да, тот кюйдюрген, сау болмаз.
- Аз сёлеш, кёб ишле.
- Сабий болмагъан джерде, мёлек болмаз.
- Телиге акъыл салгъандан эсе, ёлгеннге джан салырса.
- Чомартны къолу берекет.
- Хар зат кесини орнуна иги.
- Айтхан сёзюне табылгъан.
- От этилмеген джерден тютюн чыкъмайды.
- Эркишини аманы тиширыуну джылатыр.
- Къарнынг бла ёч алма.
- Кийиминг бла танылма, адамлыкъ бла таныл.
- Юйюнгден чыкъдынг – кюнюнгден чыкъдынг.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72