- Аманнга алтын чыдамаз.
- Къарны аманнга къазан такъдырма, къолу аманнга от джакъдырма.
- Болджал ишни бёрю ашар.
- Тенги кёбню джау алмаз, акъылы кёбню дау алмаз.
- Сакъалы текени да бар, мыйыгъы киштикни да бар.
- Къарнынг тойгъунчу аша да, белинг талгъынчы ишле.
- Суугъа – чабакъ, къаягъа – ыргъакъ.
- Адам боллукъ, атламындан белгили болур.
- Ата Джуртча джер болмаз, туугъан элча эл болмаз.
- Аякъларынгы джууургъанынга кёре узат.
- Аджаллыгъа окъсуз шкок атылыр.
- Тойгъан джерге джети къайт.
- Алгъанда – джууукъ, бергенде – джау.
- Тамбла алтындан бюгюн багъыр ашхы.
- Джылар джаш, атасыны сакъалы бла ойнар.
- Ким бла джюрюсенг, аны кёзю бла кёрюнюрсе.
- Аманны къуугъан, аманлыкъ табар.
- Накъырданы арты керти болур.
- Чомарт бергенин айтмаз.
- Берекет берсин деген джерде, берекет болур.
- Ачыкъ джюрекге джол – ачыкъ.
- Къолунгдан къуймакъ ашатсанг да, атаны борчундан къутулмазса.
- Адамгъа аман кюн соруб келмейди.
- Кёб ант этген, кёб ётюрюк айтыр.
- Тил бла келеди джыр да.
- Экеу тутушса, биреу джыгъылыр.
- Джыйырма къойну юч джыйырма эбзе кюте эди.
- Тилчи бир сагъатха айлыкъ хата этер.
- Къар – келтирди, суу – элтди.
- Чарсда алчыны эл кёреди.
- Адамны аты башхача, акъылы да башхады.
- Азыкъ аз болса, эртде орун сал.
- Джети тилни билген джети кишиди.
- Билимли ёлмез, билимсиз кёрмез.
- Ариу – кёзге, акъыл – джюрекге.
- Ауругъан – джашаудан умутчу.
- Сабийликде юретмесенг, уллу болса – тюзелмез.
- Бюгюн дуния кибик, тамбла ахыратды.
- Къарын къуру болса, джюрек уру болур.
- Аурууну келиую тынч, кетиую – къыйын.
- Къонакъ хазыр болгъанлыкъгъа, къонакъбай хазыр тюлдю.
- Окъдан джара эртде-кеч болса да бителир, сёз джара, ёмюрге къалыр.
- Кесине гебен этелмеген, биреуге черен эте эди.
- Телиге от эт десенг, юйюнге от салыр.
- Байлыкъ адамны сокъур этер.
- Адебни адебсизден юрен.
- Аман адамны тепсинге олтуртсанг, къызынгы тилер.
- Ётюрюкню башын керти кесер.
- Накъырда – кертини келечиси.
- Борчунг бар эсе, хурджунунга ойлаб узал.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72