- Акъыл бла адеб эгизледиле.
- Тойгъан джерден туугъан джер игиди.
- Душманны тышы – акъ, ичи – къара.
- Къан бла кирген, джан бла чыгъар.
- Айран тёгюлсе, джугъусу къалыр.
- Туз, гырджын аша, тюзлюк бла джаша.
- Тойгъанлыкъ къойгъа джарашады.
- Джаз бир кюнню джатсанг, къыш талай кюнню абынырса.
- Кюн – узун, ёмюр – къысха.
- Джумушакъ сёз къаты таякъны сындырыр.
- Къатыны харакетли болса, эри къымсыз болур.
- Сютню башын джалагъан къутулур, тюбюн ичген тутулур.
- Ариу сёз джыланны орнундан чыгъарыр.
- Экеулен сёлеше тура эселе, орталарына барыб кирме.
- Ёксюзню тилеги къабыл болур.
- Ата Джуртуму башы болмасам да, босагъасында ташы болайым.
- Ашхы – джыяр, аман – джояр.
- Башсыз урчукъ тюзюне айланмаз.
- Ана – юйню кюн джарыгъы.
- Ургъан суудан башынгы сакъла.
- Къонакъ хазыр болгъанлыкъгъа, къонакъбай хазыр тюлдю.
- Кесине оноу эте билмеген, халкъына да эте билмез.
- Орундукъ тюбюнде атылсам да, орта джиликме, де да айлан.
- Мухардан ач ычхынмаз.
- Тас болгъан бычакъны сабы – алтын.
- Джарлы эскисин джамаса, къууаныр.
- Окъугъанны бети джарыкъ.
- Аманнга да, игиге да оноусуз къатышма.
- Эри аманны, къатыны – аман.
- Минг тенг да азды, бир джау да кёбдю.
- Этек чакъмакълары баш джаргъан, сёлешген сёзлери таш джаргъан.
- Сабийни джумушха джибер да, ызындан бар.
- Ёлген эшек бёрюден къоркъмайды.
- Тилсиз миллет джокъ болур.
- Билимсиз иш бармаз.
- Aдам боллукъ, сыфатындан белгили.
- Башы джабылгъан челекге, кир тюшмез.
- Эртде тургъан джылкъычыны эркек аты тай табар.
- Къайтырыкъ эшигинги, къаты уруб чыкъма.
- Халкъны джырын джырласанг, халкъ санга эжиу этер.
- Ханнга да келеди хариблик.
- Тёгюлген тюгел джыйылмайды.
- Ёгюзню мюйюзюнден тутадыла, адамны сёзюнден тутадыла.
- Кёзню ачылгъаны – иги, ауузну джабылгъаны – иги.
- Тура эдим джата, къайдан чыкъды хата?
- Сыфатында болмагъаны, суратында болмаз.
- Джыланны къуйругъундан басарынг келсе, аны башы болгъанын унутма.
- Тыш элде солтан болгъандан эсе, кесинги элде олтан болгъан игиди!
- Бозаны арты дауур болур.
- Баргъанынга кёре болур келгенинг.
Профиль
|
||||