- Ёлген аслан – сау чычхан.
- Алтыннга тот къонмаз.
- Таш ата билмеген, башына урур.
- Халкъны юйю – туугъан джери.
- Кёб къычыргъандан – къоркъма, тынч олтургъандан – къоркъ.
- Аман хансны – урлугъу кёб.
- Гырджын – тепсини тамадасы.
- Зарда марда джокъ.
- Сагъыш – къартлыкъгъа сюйюмчю.
- Садакъачыны джаны – къапчыгъында.
- Аууз сакълагъан – джан сакълар.
- Джукъу тёшек сайламайды.
- Къартны бурнун сюрт да, оноугъа тут.
- Арбаз къынгырды да, ийнек сауалмайма.
- Гугук кесини атын айтыб къычыргъанча, мен, мен деб нек тураса?
- Халкъны джырын джырласанг, халкъ санга эжиу этер.
- Кёл – къызбай, къол – батыр.
- Къаллай салам берсенг, аллай джууаб алырса.
- Джашынгы кесинг юретмесенг, джашау юретир.
- Джигер – джаннга къыйынлыкъ.
- Эшекге миннген – биринчи айыб, андан джыгъылгъан – экинчи айыб.
- Элни кючю – эмеген.
- Аманнга алтын чыдамаз.
- Башда акъыл болмаса, эки аякъгъа кюч джетер.
- Асхат ашлыкъ сата, юйдегиси ачдан къата.
- Чомартны къолун джокълукъ байлар.
- Тамчы таш тешер.
- Ётюрюкден тюбю джокъ, кёлтюрюрге джиби джокъ.
- Чабакъгъа акъыл, табагъа тюшсе келеди.
- Тойгъа алгъа да барма, тойда артха да къалма.
- Узун джолну барсанг, бюгюн келирсе, къысха джолну барсанг, тамбла келирсе.
- Aдам боллукъ, сыфатындан белгили.
- Эли джокъну – кёлю джокъ.
- Таукел къуру къалмаз.
- Акъдан къара болмаз.
- Телиге от эт десенг, юйюнге от салыр.
- Азыкълы ат арымаз, къатыны аман джарымаз.
- Къуллукъчума, деб махтанма, къуллукъ – хаух джамчыды!
- Бет бетге къараса, бет да джерге къарар.
- Тил – миллетни джаны.
- Джарлы эскисин джамаса, къууаныр.
- Ишлегенден, къарагъан уста.
- Байлыкъдан саулукъ ашхыды.
- Тилсиз миллет джокъ болур.
- Кёл ашады да, кеси ашады.
- Джылар джаш, атасыны сакъалы бла ойнар.
- Ёксюзню къалачы уллу кёрюнюр.
- Тешигини къатында, чычхан да батыр болур.
- Бозаны арты дауур болур.
- Акъылсызны джууукъгъа алма, акъыллыны кенгнге салма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72