- Адамны джюреги нени кёрюрге сюйсе, кёзю да аны кёрюрге ёч болады.
- Тешигини къатында, чычхан да батыр болур.
- Душманны тышы – акъ, ичи – къара.
- Ариуну – ауруу кёб.
- Ёксюзню къалачы уллу кёрюнюр.
- Адамны артындан къара сабан сюрме.
- Ач да бол, токъ да бол – намысынга бек бол.
- Дууулдаса – бал чибин, къонса – къара чибин.
- Тас болгъан бычакъны сабы – алтын.
- Ишлегенде эринме, ишде чолакъ кёрюнме.
- Ашлыкъны арба юйге келтирир, чана базаргъа элтир.
- Игини сыйлагъан адетди.
- Экеу тутушса, биреу джыгъылыр.
- Аманны къуугъан, аманлыкъ табар.
- Атлыны кёрсе, джаяуну буту талыр.
- Билим – акъылны чырагъы.
- Тойгъан антын унутур.
- Ёлюр джаннга, ёкюл джокъ.
- Адам сёзге тынгыла, акъыл сёзню ангыла.
- Джарашыу сюйген – джалынчакъ.
- Арыгъан къош чамчы болур.
- Кёб къычыргъандан – къоркъма, тынч олтургъандан – къоркъ.
- Айраннга суу къош, телиге джол бош.
- Кёб джат да, бек чаб.
- Аш хазыр болса, иш харам болур.
- Уллу атлама – абынырса, уллу къабма – къарылырса.
- Кюлме джашха – келир башха.
- Азыгъы аз, алгъа къабар, аты аман, алгъа чабар.
- Босагъагъа джууукъ орун болса, ашыгъыб тёрге озма.
- Ханнга да келеди хариблик.
- Термилгенинги табмазса, кюлгенинге тюберсе.
- Арба аугъандан сора, джол кёргюзтюучю кёб болур.
- Эте билген, этген этеди, эте билмеген, юретген этеди!
- Тилчиден кери бол.
- Иги джашны ышаны – аз сёлешиб, кёб тынгылар.
- Тили узунну, намысы – къысха.
- Адамны аманы адамны бети бла ойнар.
- Эринчекни эр алмаз, эр алса да, кёл салмаз, кёл салса да, кёб бармаз!
- Ачлыкъда тары гырджын халыуадан татлы.
- Билген билмегенни юретген адетди.
- Кийимни бир кюнню аясанг, минг кюннге джарар.
- Минг тенг да азды, бир джау да кёбдю.
- Ачлыкъ отха секиртир.
- Къартны бурнун сюрт да, оноугъа тут.
- Къыйынлы джети элге оноу этер.
- Ишлемеген – тишлемез.
- Айтылгъан сёз ызына къайтмаз.
- Къуру гыбыт бек дыгъырдар.
- Къыз чыгъаргъан – къызыл къымжа.
- Ётюрюкню къуйругъу – бир тутум.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72