- Къонакъ хазыр болгъанлыкъгъа, къонакъбай хазыр тюлдю.
- Окъ къызбайны джокълайды.
- Чакъырылгъанны аты, чакъырылмагъанны багъасы болур.
- Башсыз урчукъ тюзюне айланмаз.
- Суугъа – таянма, джаугъа – ийнанма.
- Аман хансны – урлугъу кёб.
- Ач бёрюге мекям джокъ.
- Нафысынгы айтханын этме, намысынгы айтханын эт.
- Билмегенинги, билгеннге сор.
- Малны кют, джерни тюрт.
- Урама да – ёледи, сатама да – келеди.
- Тёгюлген тюгел джыйылмайды.
- Къарт болгъан джерде, берекет болур, сабий болгъан джерде, оюн болур.
- Арбаз сайлама да, хоншу сайла.
- Иги адамны бир сёзю эки болмаз.
- Бети – къучакълар, джюреги – бычакълар.
- Ётюрюкден тюбю джокъ, кёлтюрюрге джиби джокъ.
- Тулпарлыкъ, билекден тюл – джюрекден.
- Арба аугъандан сора, джол кёргюзтюучю кёб болур.
- Окъугъанны бети джарыкъ.
- Гырджын – тепсини тамадасы.
- Кюл тюбюндеги от кёрюнмейди.
- Ауузу бла къуш тута айланады.
- Биреу къой излей, биреу той излей.
- Аманны къуугъан, аманлыкъ табар.
- Тин – байлыгъынг, терен саулугъунг.
- Бир онгсуз адам адет чыгъарды, деб эштирик тюлсе.
- Суу да къайтады чыкъгъан джерине.
- Тюзлюк тас болмайды.
- Джети тилни билген джети кишиди.
- Нарт сёз – тилни бети.
- Джюз элде джюз ёгюзюм болгъандан эсе, джюз джууугъум болсун.
- Тюкюрюк баш джармаз, налат кёз чыгъармаз!
- Тёрдеги кюлсе, эшикдеги ышарыр.
- Айырылмаз джууугъунга, унутмаз сёзню айтма.
- Этим кетсе да, сюегим къалыр.
- Тойгъа алгъа да барма, тойда артха да къалма.
- Кёл ашады да, кеси ашады.
- Байлыкъ адамны сокъур этер.
- Ата – билек, ана – джюрек!
- Ач къарынны, токъ билмез
- Нарт сёз къарт болмаз.
- Садакъачыны джаны – къапчыгъында.
- Оюмсуз атлагъан, аджалсыз ёлюр.
- Сабийни джумушха джибер да, ызындан бар.
- Иги сеники эсе да, сюйген кесимикин этеме.
- Дууулдаса – бал чибин, къонса – къара чибин.
- Гугук кесини атын айтыб къычыргъанча, мен, мен деб нек тураса?
- Ёлген аслан – сау чычхан.
- Окъдан джара эртде-кеч болса да бителир, сёз джара, ёмюрге къалыр.
Профиль
|
|
|||