- Арбаз сайлама да, хоншу сайла.
- Тойчу джашха къарама, къойчу джашха къара.
- Къоркъакъны кёзю экили кёрюр.
- Уллу къазанда бишген эт, чий къалмаз.
- Биреу ашаб къутулур, биреу джалаб тутулур.
- Телиге акъыл салгъандан эсе, ёлгеннге джан салырса.
- Хар зат кесини орнуна иги.
- Бойнуму джети джерден кессенг да, мен ол ишни этеллик тюлме.
- Кимни – тили, тиши онглу, кимни – къолу, иши онглу.
- Артына баргъанны, къатына барма.
- Аш берме да, къаш бер.
- Азыкъ аз болса, эртде орун сал.
- Келинни – келгинчи, бёркню кийгинчи кёр.
- Кюн кёрмеген, кюн кёрсе, кюндюз чыракъ джандырыр.
- Кёб джат да, бек чаб.
- Огъурлуну сёзю – суу, огъурсузну сёзю – уу.
- Джарлыны эшигин махтагъан джабар.
- Айырылмаз джууугъунга, унутмаз сёзню айтма.
- Ашхылыкъ джерде джатмайды, аманлыкъ суугъа батмайды.
- Аманны эки битли тону болур, бирин сеннге кийдирир, бирин кеси киер.
- Тёзгеннге, джабылгъан эшик ачылыр.
- Бек анасы джыламаз.
- Битмегеннге сакъал – танг.
- Малны кют, джерни тюрт.
- Ёлген ийнек сютлю болур.
- Ойнай-ойнай кёз чыгъар.
- Джангызны оту джарыкъ джанмаз!
- Кёбден умут этиб, аздан къуру къалма.
- Окъдан джара эртде-кеч болса да бителир, сёз джара, ёмюрге къалыр.
- Къая джолда джортма, ачыкъ сёзден къоркъма.
- Нёгер болсанг, тенг бол, тенг болмасанг, кенг бол.
- Джолда аягъынга сакъ бол, ушакъда тилинге сакъ бол.
- Гугурук къычырмаса да, тангны атары къалмаз.
- Кёлсюзден сёзсюз тууар.
- Бир абыннган – минг сюрюнюр.
- Джерни букъусу кёкге къонмаз.
- Тилчиден кери бол.
- Ёлмесенг да, къарт дамы болмазса?
- Нарт сёз къарт болмаз.
- Босагъа таш юйге кирмей эди, тыбыр таш эшикге чыкъмай эди.
- Джашлыкъ этмеген, башлыкъ этмез.
- Джаш болсун, къыз болсун, акъылы, саны тюз болсун.
- Акъыллы эркиши атын махтар, акъылсыз эркиши къатынын махтар.
- Магъанасыз сёз – тауушсуз сыбызгъы.
- Чакъырылмай келген къонакъ сыйланмай кетер.
- Тюзню ётмеги тюзде къалса да, тас болмаз.
- Къарнынг ауруса, ауузунгу тый
- Бети къызарыучу адамны, джюреги харам болмаз.
- Мураты болгъанны джюрек тебюую башхады.
- Ачлыкъда тары гырджын халыуадан татлы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72