- Чомарт къонакъ юй иесин сыйлар.
- Этни бети бла шорпасы.
- Къайгъыны сюйген, къайгъы табар.
- Хар зат кесини орнуна иги.
- Атлыны кёрсе, джаяуну буту талыр.
- Кийиминг бла танылма, адамлыкъ бла таныл.
- Эринчекни эр алмаз, эр алса да, кёл салмаз, кёл салса да, кёб бармаз!
- Сабийни джумушха джибер да, ызындан бар.
- Кёбден умут этиб, аздан къуру къалма.
- Эл тойса, тоймагъан, эл къойса, къоймагъан.
- Чакъырылмагъан къонакъ къачан кетерин сормаз.
- Къолунгдан къуймакъ ашатсанг да, атаны борчундан къутулмазса.
- Джолда аягъынга сакъ бол, ушакъда тилинге сакъ бол.
- Уллу къазанда бишген эт, чий къалмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Джарлыны тону джаз битер.
- Ётген ёмюр – акъгъан суу.
- Арыгъан къош чамчы болур.
- Джарашыу сюйген – джалынчакъ.
- Билим – акъылны чырагъы.
- Джеринден айырылгъан – джети джылар, джуртундан айырылгъан – ёлгюнчю джылар.
- Ашын ашагъанынгы, башын да сыйла.
- Тыш элде солтан болгъандан эсе, кесинги элде олтан болгъан игиди!
- Сютню башын джалагъан къутулур, тюбюн ичген тутулур.
- Джумушакъ сёз къаты таякъны сындырыр.
- Кирсизни – саны таза, халалны – къаны таза.
- Эрни эр этерик да, къара джер этерик да, тиширыуду.
- Джан саулукъ бермей, сан саулукъ бермезсе.
- Таукел адам тау тешер.
- Къолу уллу – асыу, аягъы уллу – джарсыу.
- Кёрмегеннге кебек – танг, битмегеннге сакъал – танг.
- Ёгюзню мюйюзюнден тутадыла, адамны сёзюнден тутадыла.
- Джангыз терек къынгыр ёсер.
- Билим насыб берир, билим джолну керир.
- Гугурук къычырмаса да, тангны атары къалмаз.
- Джюз элде джюз ёгюзюм болгъандан эсе, джюз джууугъум болсун.
- Ата – баланы уясы.
- Атадан ёксюз – бир ёксюз, анадан ёксюз – эки ёксюз.
- Ёгюзню мюйюзлери ауурлукъ этмейдиле.
- Эм уллу байлыкъ – джан саулукъ.
- Тойгъандан сора, ашны сёкме.
- Сабийликде юретмесенг, уллу болса – тюзелмез.
- Иги сёз – джаннга азыкъ, аман сёз башха – къазыкъ.
- Юйлю уругъа ит чабмаз.
- Ашхылыкъ джерде джатмайды, аманлыкъ суугъа батмайды.
- Аз сёлеш, кёб ишле.
- Тели турса – той бузар.
- Адамны бетине къарама, адетине къара.
- Байлыкъ болгъан джерде, тынчлыкъ джокъду.
- Игиге айтсанг – билир, аманнга айтсанг – кюлюр.
Профиль
|
Ingil
 Эльбрусоид
Cообщений: 4585
Баллов: 3668
Регистрация: 12.12.2011
Последний визит: 09.08.2018 17:48:11
|
 |
|||
|
|
|
|||