- Халкъны юйю – туугъан джери.
- Адам къыйынлыгъын кёлтюрюр, зауукълугъун кёлтюрмез.
- Тыш элде солтан болгъандан эсе, кесинги элде олтан болгъан игиди!
- Ёмюрлюк шохлукъну джел элтмез.
- Къан бла кирген, джан бла чыгъар.
- Джумушакъ сёз къаты таякъны сындырыр.
- Эринчекни аурууу – кёб.
- Ашлыкъ – бюртюкден, джюн – тюкден.
- Кесинге джетмегенни, кёб сёлешме.
- Къарт бла баш аша, джаш бла аякъ аша.
- Дуния мал дунияда къалады.
- Аман къатын алгъан, арыр, иги къатын алгъан джарыр.
- Мадар болса, къадар болур.
- Керилген да, ургъан кибикди.
- Эки къатын алгъан – эки ташны ортасына башын салгъан.
- Ышармагъан – кюлмез, кюлмеген – къууанчны билмез.
- Уллу атлама – абынырса, уллу къабма – къарылырса.
- Билим насыб берир, билим джолну керир.
- Джарлыны тону джаз битер.
- Ушамагъан – джукъмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Чомарт къолда мал къалмаз.
- Садакъачыны джаны – къапчыгъында.
- Арпа, будай – ащды, алтын, кюмюш а – ташды.
- Эки ойлашыб, бир сёлешген.
- Эшекге миннген – биринчи айыб, андан джыгъылгъан – экинчи айыб.
- Ашхы тенг джолгъа салыр, аман тенг джолдан тайдырыр.
- Джырчы джырчыгъа – къарнаш.
- Зар адам ашынгы ашар, кесинги сатар.
- Кёлю джокъну – джолу джокъ.
- Къозулугъунда тоймагъан, къойлугъунда тоймаз.
- Танг атмайма десе да, кюн къоярыкъ тюйюлдю.
- Аман эсирсе, юйюн ояр.
- Нёгерсизни джолу узун.
- Окъуу – билимни ачхычы, окъуу – дунияны бачхычы.
- Окъуусуз билим – джокъ, билимсиз кюнюнг – джокъ.
- Тура эдим джата, къайдан чыкъды хата?
- Кёбге таш атма.
- Эринчекге кюн узун.
- Арбаз сайлама да, хоншу сайла.
- Тёзген – тёш ашар!
- Алтыннга тот къонмаз.
- Джаш къарыу бла кючлю, къарт акъыл бла кючлю.
- Аман адам элни бир-бирине джау этер.
- Дуния аламаты сен эсенг да, игиме деб айтма.
- Джогъун бар этген, барын бал этген.
- Ёлмесенг да, къарт дамы болмазса?
- Ачлыкъда тары гырджын халыуадан татлы.
- Окъумагъан сокъурду, сокъур ташха абыныр!
- Адеб этмеген, адеб кёрмез.
Профиль
|
бездушный кролик
 Эльбрусоид
Cообщений: 14960
Баллов: 11968
Регистрация: 13.12.2011
Последний визит: 19.05.2024 17:53:42
|
 |
|||
|
|
|
|||