Эльбрусоид :: Форум

Ауурну тюбю бла, дженгилни башы бла джюрюген.
Эли джокъну – кёлю джокъ.
Мени джылытмагъан кюн, меннге тиймесин!
Уясында не кёрсе, учханында аны этер.
Тойгъан антын унутур.
Сютню башын джалагъан къутулур, тюбюн ичген тутулур.
Тенги кёбню джау алмаз, акъылы кёбню дау алмаз.
Иги – алгъыш этер, аман – къаргъыш этер.
Къарнынг къанлынга кийирир.
«Ма», - дегенни билмесенг, «бер», - дегенни билмезсе.
Джыланны къуйругъундан басарынг келсе, аны башы болгъанын унутма.
Тыш элде солтан болгъандан эсе, кесинги элде олтан болгъан игиди!
Тойгъанлыкъ къойгъа джарашады.
Окъугъанны бети джарыкъ.
Башы ишлегенни, ауузу да ишлер.
Ач отунчуну ачыуу – бурнунда.
Ашлыкъны арба юйге келтирир, чана базаргъа элтир.
Тойгъан джерге джети къайт.
Джылар джаш, атасыны сакъалы бла ойнар.
Кёл – къызбай, къол – батыр.
Ауругъанны сау билмез, ач къарынны токъ билмез.
Къая джолда джортма, ачыкъ сёзден къоркъма.
Ариу – кёзге, акъыл – джюрекге.
Айтхан – тынч, этген – къыйын.
Джеринден айырылгъан – джети джылар, джуртундан айырылгъан – ёлгюнчю джылар.
Келгинчи, къонакъ уялыр, келгенден сора, къонакъбай уялыр.
Шайтан алдады, тюзлюк къаргъады.
Зарда марда джокъ.
Кёбден умут этиб, аздан къуру къалма.
Бал – татлы, балдан да бала – татлы.
Окъуу – билимни ачхычы, окъуу – дунияны бачхычы.
Атадан ёксюз – бир ёксюз, анадан ёксюз – эки ёксюз.
Таула не мийик болсала да, аууш табылыр.
Сёз – кюмюш, джыр – алтын.
Джашлыкъ этмеген, башлыкъ этмез.
Ишни ахырын ойламай, аллын башлама.
Ач да бол, токъ да бол – намысынга бек бол.
Тешигини къатында, чычхан да батыр болур.
Айраннга суу къош, телиге джол бош.
Тилчи тилден къаныкъмаз.
Ашхы атаны – джашы ашхы, ашхы ананы – къызы ашхы.
Кенгеш болса, уруш болмаз.
Башланнган иш битер, къымылдагъан тиш тюшер.
Чалманны аллы къалай башланса, арты да алай барады.
Кийимни бичсенг, кенг бич, тар этген къыйын тюлдю.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Агъач – джерни чырайы, кийим – эрни чырайы.
Тик ёргени, тик энгишгеси да болады.
Ишлегенден, къарагъан уста.
Халкъгъа джарагъан, джарлы къалмаз.

Логин:
Пароль:
	Запомнить меня на этом компьютере

Забыли свой пароль?
Регистрация