Эльбрусоид :: Форум :: Девушка Гор

Байлыкъдан саулукъ ашхыды.
Эл бла кёргенинг эрелей.
Борчунг бар эсе, хурджунунга ойлаб узал.
Ушамагъан – джукъмаз.
Билим – акъылны чырагъы.
Аманны къуугъан, аманлыкъ табар.
Терслик кетер, тюзлюк джетер.
Суу да къайтады чыкъгъан джерине.
Тилде сюек болмаса да, сюек сындырыр.
Айтылгъан сёз ызына къайтмаз.
Сагъыш – къартлыкъгъа сюйюмчю.
Кёкдеги болмаса, джердегин кёрмейди.
Ариу сёз – джаннга азыкъ, аман сёз – башха къазыкъ.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Эл ауузу – элек, анга ийнаннган – халек.
Арыгъан къош чамчы болур.
Гугурук къычырмаса да, тангны атары къалмаз.
Акъыл бла адеб эгизледиле.
Эте билген, этген этеди, эте билмеген, юретген этеди!
Байлыкъ тауусулур, билим тауусулмаз.
Ач къарынны, токъ билмез
Къарыусузгъа кюлме, онгсузгъа тийме.
Сормай – алма, чакъырылмай – барма.
Ауурну тюбю бла, дженгилни башы бла джюрюген.
Сагъышы джокъ – джукъучу, акъылы джокъ – къаугъачы.
Тиширыусуз юй – отсуз от джагъа.
Босагъа таш юйге кирмей эди, тыбыр таш эшикге чыкъмай эди.
Баланы адам этген анады.
Тёрдеги кюлсе, эшикдеги ышарыр.
Терек ауса, отунчу – кёб.
Эм уллу байлыкъ – джан саулукъ.
Эри аманны, къатыны – аман.
Айтханы чапыракъдан ётмеген.
Чабакъгъа акъыл, табагъа тюшсе келеди.
Тил – кесген бычакъ, сёз – атылгъан окъ.
Окъугъан – асыу, окъумагъан – джарсыу.
Дженгил джетерикме деб, узун джолну къоюб, къысхасын барма.
Керилген да, ургъан кибикди.
Къонакъ болсанг, ийнакъ бол.
Тёрде – темир таякълы, къаяда – чыпчыкъ аякълы.
Биреу къой излей, биреу той излей.
Акъыл аздырмаз, билим тоздурмаз.
Ач къарным, тынч къулагъым.
Аякъларынгы джууургъанынга кёре узат.
Ач – эснер, ат – кишнер.
Ёпкелегенни ашы татлы болады.
Ойнай билмеген, уруб къачар.
Иги болса, тамадама – махтау, аман болса, меннге – айыб.
Кимни – тили, тиши онглу, кимни – къолу, иши онглу.
Иги сеники эсе да, сюйген кесимикин этеме.

Логин:
Пароль:
	Запомнить меня на этом компьютере

Забыли свой пароль?
Регистрация