- Байлыкъ келсе, акъыл кетер.
- Бир абыннган – минг сюрюнюр.
- Сютден ауузу кюйген, суугъа юфгюре эди.
- Тёзген – тёш ашар!
- Тиширыусуз юй – отсуз от джагъа.
- Алтыннга тот къонмаз.
- Тынгылагъан тынгы бузар.
- Танг атмайма десе да, кюн къоярыкъ тюйюлдю.
- Айран тёгюлсе, джугъусу къалыр.
- Акъыллы эркиши атын махтар, акъылсыз эркиши къатынын махтар.
- Эринчекге кюн узун.
- Адамны сабийин сюйген джюреги, бычакъча, джитиди.
- Арпа, будай – ащды, алтын, кюмюш а – ташды.
- Ата джурт – алтын бешик.
- Биреуню тёрюнден, кесинги эшик артынг игиди.
- Аш хазыр болса, иш харам болур.
- Ёпкелегенни ашы татлы болады.
- Ач да бол, токъ да бол – намысынга бек бол.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къайтырыкъ эшигинги, къаты уруб чыкъма.
- Кёл ашады да, кеси ашады.
- Окъугъанны бети джарыкъ.
- Аман адам элни бир-бирине джау этер.
- Чакъырылмагъан къонакъ – орунсуз.
- Аманны къуугъан, аманлыкъ табар.
- Ат да турмайды бир териде.
- Къыйынлы джети элге оноу этер.
- Уллу сёзде уят джокъ.
- Ётюрюкню къуйругъу – бир тутум.
- Джумушакъ терекни къурт ашар.
- Суу ичген шауданынга тюкюрме.
- Аууз сакълагъан – джан сакълар.
- Элни кючю – эмеген.
- Ёлген эшек бёрюден къоркъмайды.
- Эртде тургъан бла эртде юйленнген сокъуранмаз.
- Иесиз малны бёрю ашар.
- Бастасын ашагъан, хантусун да ичер.
- Окъ къызбайны джокълайды.
- Таш бла ургъанны, аш бла ур.
- Суугъа – таянма, джаугъа – ийнанма.
- Шапа кёб болса, аш татымсыз болур.
- Азыкъ аз болса, эртде орун сал.
- Билмезни кёзю кёрмез, этмезни къулагъы эшитмез.
- Адамны бетине къарама, адетине къара.
- Тойгъандан сора, ашны сёкме.
- Тилде сюек болмаса да, сюек сындырыр.
- Оюмсуз атлагъан, аджалсыз ёлюр.
- Тюзлюк шохлукъну бегитир.
- Халкъгъа джарагъан, джарлы къалмаз.
- Тау башында, тау болмаз, джангыз терек, бау болмаз.
Профиль
|
|
|||