Эльбрусоид :: Форум :: Архив форумов

Зар адамны насыбы болмаз.
Суугъа – чабакъ, къаягъа – ыргъакъ.
Кёпюр салгъан кеси ётер, уру къазгъан кеси кетер.
Акъыл неден да кючлюдю.
Ана – юйню кюн джарыгъы.
Тойгъан антын унутур.
Гыдай эчки суугъа къараб, мюйюзле кёрмесе, джашма алкъын, дегенди.
Чакъырылмай келген къонакъ сыйланмай кетер.
Ач къарынны, токъ билмез
Чакъырылмагъан джерге барма, чакъырылгъан джерден къалма.
Алтыннга тот къонмаз.
Биреуге аманлыкъ этиб, кесинге игилик табмазса.
Аш иеси бла татлыды.
Ишге юренсин къоллары, халкъ бла болсун джоллары.
Аз сёлешген, къайгъысыз турур.
Босагъагъа джууукъ орун болса, ашыгъыб тёрге озма.
Хар ишни да аллы къыйынды.
Ёзденликни кёбю ётюрюк.
Джукъу тёшек сайламайды.
Киштикге къанат битсе, чыпчыкъ къалмаз эди.
Кёбню кёрген – кёб билир.
Ат да турмайды бир териде.
Тойчу джашха къарама, къойчу джашха къара.
Онгсузну – джакъла, тенгликни – сакъла.
Сёз садакъдан кючлюдю.
Ичимден чыкъды хата, къайры барайым сата?
Аджаллыгъа окъсуз шкок атылыр.
Къонакъ болсанг, ийнакъ бол.
Къайгъыны сюйген, къайгъы табар.
Сёз сёзню айтдырыр.
Малны кют, джерни тюрт.
Сёз къанатсыз учар.
Кёб джат да, бек чаб.
Къарны аманнга къазан такъдырма, къолу аманнга от джакъдырма.
Тамбла алтындан бюгюн багъыр ашхы.
Баш – акъыл ючюн, акъылман – халкъ ючюн.
Атадан ёксюз – бир ёксюз, анадан ёксюз – эки ёксюз.
Айраннга суу къош, телиге джол бош.
Ашхылыкъ джерде джатмайды, аманлыкъ суугъа батмайды.
Бети бедерден, намыс сакълама.
Джылар джаш, атасыны сакъалы бла ойнар.
Адамны джюреги нени кёрюрге сюйсе, кёзю да аны кёрюрге ёч болады.
Джолунга кёре – джюрюшюнг, джагъанга кёре – юлюшюнг.
Итли къонакъ джарашмаз.
Ишленмеклик адамлыкъды.
Келгинчи, къонакъ уялыр, келгенден сора, къонакъбай уялыр.
Мухардан ач ычхынмаз.
Къан бла кирген, джан бла чыгъар.
Сютден ауузу кюйген, суугъа юфгюре эди.
Къыз келсе, джумуш эте келеди, къатын келсе, ушакъ эте келеди.

Логин:
Пароль:
	Запомнить меня на этом компьютере

Забыли свой пароль?
Регистрация