- Таукелге нюр джауар.
- Хунаны тюбюн къазсанг, юсюнге ауар.
- Ашхы тенг джолгъа салыр, аман тенг джолдан тайдырыр.
- Ёлмесенг да, къарт дамы болмазса?
- Къарыусузгъа кюлме, онгсузгъа тийме.
- Ким бла джюрюсенг, аны кёзю бла кёрюнюрсе.
- Биреуге кёлтюрген таягъынг, кесинги башынга урур.
- Термилгенинги табмазса, кюлгенинге тюберсе.
- Адеб этмеген, адеб кёрмез.
- Ариуну – ауруу кёб.
- Джаралыны джастыгъында сау ёлюр.
- Акъыллы башны – тили къысха.
- Эл ауузу – элия.
- Ишлерге уял да, ашаргъа табма.
- Ишлемеген – тишлемез.
- Ханы къызы буюгъа-буюгъа киштик болду.
- Арбаз къынгырды да, ийнек сауалмайма.
- Къарт болгъан джерде, берекет болур, сабий болгъан джерде, оюн болур.
- Чомартха хар кюн да байрамды.
- Къыз чыгъаргъан – къызыл къымжа.
- Ётюрюк хапар аякъ тюбю бла джюрюйдю.
- Ачылгъан эт джабылыр, кёрген кёз унутмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Аш иеси бла татлыды.
- Къарт айтханны этмеген, къартаймаз.
- Арба аугъандан сора, джол кёргюзтюучю кёб болур.
- Аллахдан тилесенг, кёб тиле.
- Джюз элде джюз ёгюзюм болгъандан эсе, джюз джууугъум болсун.
- Джангыз терек къынгыр ёсер.
- Акъыллы айтыр эди, акъылсыз къоймайды.
- Юре билмеген ит, къонакъ келтирир.
- Къонакъ аман болса, къонакъбай джунчур
- Хаухну атма, ёнгкючню сатма.
- Джангыз торгъай джырламаз.
- Аджашхан тёгерек айланыр.
- Джан саулукъ бермей, сан саулукъ бермезсе.
- Ана къолу ачытмаз.
- Гугук кесини атын айтыб къычыргъанча, мен, мен деб нек тураса?
- Ач къалгъандан, кеч къалгъан къолай.
- Тёгюлген тюгел джыйылмайды.
- Биреуню къыйынлыгъы бла кесинге джол ишлеме.
- Тас болгъан бычакъны сабы – алтын.
- Джарлыны тону джаз битер.
- Арыгъан къош чамчы болур.
- Башынга джетмегенни сорма.
- Эринчекни эр алмаз, эр алса да, кёл салмаз, кёл салса да, кёб бармаз!
- Бастасын ашагъан, хантусун да ичер.
- Насыблы элин сюер, насыбсыз кесин сюер.
- Сёз къанатсыз учар.
- Тамчы таш тешер.
Профиль
|
||||