- Ач уят къоймаз.
- Айтхан сёзюне табылгъан.
- Дуния аламаты сен эсенг да, игиме деб айтма.
- Къартха ушагъан джаш – акъыллы, джашха ушагъан къарт – тели.
- Халкъны юйю – туугъан джери.
- Байлыкъ тауусулур, билим тауусулмаз.
- Накъырданы арты керти болур.
- Нарт сёз – тилни бети.
- Кёз – сюйген джерде, къол – ауругъан джерде.
- Тилде сюек болмаса да, сюек сындырыр.
- Битмегеннге сакъал – танг.
- Ашхы адам – халкъ байлыгъы, ашхы джер – джашау байлыгъы.
- Аз сёлеш, кёб ишле.
- Сууда джау джокъ, кёб сёзде магъана джокъ.
- Келинин тута билмеген, къул этер, къызын тута билмеген, тул этер.
- Эки къатын алгъанны къулагъы тынгнгаймаз.
- Аджал соруб келмез, келсе, къайтыб кетмез.
- Юйлю уругъа ит чабмаз.
- Керилген да, ургъан кибикди.
- Ариу сёз аурууунгу алыр.
- Телиге от эт десенг, юйюнге от салыр.
- Джетген къыз джерли эшекни танымаз.
- Ётюрюкчюню шагъаты – къатында.
- Кийиминг бла танылма, адамлыкъ бла таныл.
- Уллу сёзде уят джокъ.
- Къатын къылыкъсыз, эр тынчлыкъсыз.
- Къарт болгъан джерде, берекет болур, сабий болгъан джерде, оюн болур.
- Эртде тургъан джылкъычыны эркек аты тай табар.
- Баргъанынга кёре болур келгенинг.
- Билмезни кёзю кёрмез, этмезни къулагъы эшитмез.
- Татлы сёз – балдан татлы.
- Ачны эсинде – аш.
- Аллахха ийнаннган кишини, Аллах онгдурур ишин.
- Айтханы чапыракъдан ётмеген.
- Эллинг бла джау болсанг да, юйюнг бла джау болма.
- Ишленмеклик адамлыкъды.
- Игилик игилик бла сингдирилиучю затды.
- Ойнаб айтсанг да, эслеб айт.
- Ёлюр джаннга, ёкюл джокъ.
- Рысхы джалгъанды: келген да этер, кетген да этер.
- Азыкълы ат арымаз, къатыны аман джарымаз.
- Билим насыб берир, билим джолну керир.
- Биреуге аманлыкъны тилеме да, кесинге ашхылыкъны тиле.
- Тик ёргени, тик энгишгеси да болады.
- Бети къызарыучу адамны, джюреги харам болмаз.
- Этек чакъмакълары баш джаргъан, сёлешген сёзлери таш джаргъан.
- Ёлген ийнек сютлю болур.
- Акъылсызны джууукъгъа алма, акъыллыны кенгнге салма.
- Ариу сёз – къылычдан джити.
- Арба аугъандан сора, джол кёргюзтюучю кёб болур.
Ищут Малсугенова Курмана Исмаиловича
|
Спасибо Вам огромное за Вашу работу!
|
|
|
|
|
|
Пожалуйста! Мне особенно приятно ,что у Вас имя,как у моей мамы.
|
||||
|
|
|
|||
Читают тему (гостей: 1)