- Ата Джуртуму башы болмасам да, босагъасында ташы болайым.
- Къарт бла баш аша, джаш бла аякъ аша.
- Таякъ этден ётер, тил сюекден ётер.
- Таугъа чыгъаллыкъ эсенг, тюзде къалма.
- Сёз сёзню айтдырыр.
- Ауругъан – джашаудан умутчу.
- Алтыннга тот къонмаз.
- Эки къатын алгъан – эки ташны ортасына башын салгъан.
- Илму – джашауну джолу.
- Айтханы чапыракъдан ётмеген.
- Джылкъыдан – ат чыгъар, тукъумдан – джаш чыгъар.
- Аман эсирсе, юйюн ояр.
- Адеб базарда сатылмаз.
- Къарнынг къанлынга кийирир.
- Эркишиге тары кебек танг кёрюнюр.
- Чалманны аллы къалай башланса, арты да алай барады.
- Къатыны харакетли болса, эри къымсыз болур.
- Ата – баланы уясы.
- Чарсда алчыны эл кёреди.
- Биреуню тёрюнден, кесинги эшик артынг игиди.
- Суугъа – таянма, джаугъа – ийнанма.
- Билимсиз иш бармаз.
- Кенгеш болса, уруш болмаз.
- Ачны эсинде – аш.
- Таукел адам тау тешер.
- Биреу къой излей, биреу той излей.
- Къумурсхала джыйылсала, пилни да джыгъадыла.
- Къонакъ кёб келюучю юйню, къазаны отдан тюшмез.
- Биреуге аманлыкъ этиб, кесинге игилик табмазса.
- Садакъачыны джаны – къапчыгъында.
- Джаралыны джастыгъында сау ёлюр.
- Кёб къычыргъандан – къоркъма, тынч олтургъандан – къоркъ.
- Кёкдеги болмаса, джердегин кёрмейди.
- Адебсиз адам – джюгенсиз ат.
- Чёбню кёлтюрсенг, тюбюнден сёз чыгъар.
- Къозулугъунда тоймагъан, къойлугъунда тоймаз.
- Билимден уллу байлыкъ джокъду.
- Эм ашхы къайын ана мамукъ бла башынгы тешер.
- Аллахдан тилесенг, кёб тиле.
- Юйлю уругъа ит чабмаз.
- Бетинги сатма, малынгы сат.
- Элге къуллукъ этмеген, элге ие болмаз.
- Тыш элде солтан болгъандан эсе, кесинги элде олтан болгъан игиди!
- Шапа кёб болса, аш татымсыз болур.
- Хансыз джомакъ болмаз.
- Сёз садакъдан кючлюдю.
- Ата Джуртун танымагъан, атасын да танымаз.
- Мадар болса, къадар болур.
- Уллу айтханны этмеген – уллаймаз.
- Айранны сюйген, ийнек тутар.