- Къартны бурнун сюрт да, оноугъа тут.
- Мен да «сен», дейме, сен да «кесим», дейсе.
- Чомартны къолу берекет.
- Татлы сёз – балдан татлы.
- Юйлю уругъа ит чабмаз.
- Джумушакъ сёз къаты таякъны сындырыр.
- Башда акъыл болмаса, эки аякъгъа кюч джетер.
- Акъдан къара болмаз.
- Тюз сёз баргъан сууну тыяр.
- Къайтырыкъ эшигинги, къаты уруб чыкъма.
- Аманны эки битли тону болур, бирин сеннге кийдирир, бирин кеси киер.
- Тойгъа алгъа да барма, тойда артха да къалма.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джарашыу сюйген – джалынчакъ.
- Ашлыкъны арба юйге келтирир, чана базаргъа элтир.
- Юй ишлеген балта эшикде къалыр.
- Джангыз терек къынгыр ёсер.
- Адамны аманы адамны бети бла ойнар.
- Къонакъ аз олтурур, кёб сынар.
- Джарлыны тону джаз битер.
- Билмейме деген – бир сёз
- Ашына кёре табагъы, балына кёре къалагъы.
- Аман хансны – урлугъу кёб.
- Эринчекге кюн узун.
- Малны кют, джерни тюрт.
- Джукъу тёшек сайламайды.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ишлегенден, къарагъан уста.
- Кюн – узун, ёмюр – къысха.
- Юре билмеген ит, къонакъ келтирир.
- Чалманны аллы къалай башланса, арты да алай барады.
- Байлыкъдан саулукъ ашхыды.
- Билмегенинги, билгеннге сор.
- Дуния мал дунияда къалады.
- Окъдан джара эртде-кеч болса да бителир, сёз джара, ёмюрге къалыр.
- Босагъагъа джууукъ орун болса, ашыгъыб тёрге озма.
- Бал ашаргъа сюе эсенг, чибин ургъаннга тёз.
- Ауругъаннга – кийик саулукъ, джетген къызгъа – чилле джаулукъ.
- Эл ауузу – элек, анга ийнаннган – халек.
- Къонакъ кёб келюучю юйню, къазаны отдан тюшмез.
- Шайтан алдады, тюзлюк къаргъады.
- Уллу къазанда бишген эт, чий къалмаз.
- Нёгер болсанг, тенг бол, тенг болмасанг, кенг бол.
- Бек ашыкъгъан меннге джетсин, дегенди аракъы.
- Ана – юйню кюн джарыгъы.
- Ойнай-ойнай кёз чыгъар.
- Тенгни тенглиги джашай барсанг билинир.
- Баш – акъыл ючюн, акъылман – халкъ ючюн.
- Джети тилни билген джети кишиди.
- Ачыкъ джюрекге джол – ачыкъ.