- Миллетни бойну – базыкъ, аны бла кюрешген – джазыкъ.
- Кёлсюзден сёзсюз тууар.
- Джаз бир кюнню джатсанг, къыш талай кюнню абынырса.
- Ишни аллы бла къууанма да, арты бла къууан.
- Акъыл неден да кючлюдю.
- Хазыр ашха – терен къашыкъ.
- Чыкълы кюнде чыкъмагъан, чыкъса къуру кирмеген.
- Ашхы атаны – джашы ашхы, ашхы ананы – къызы ашхы.
- Ач къарынны, токъ билмез
- Окъугъан – асыу, окъумагъан – джарсыу.
- Ашхы болсанг, атынг чыгъар, аман болсанг, джанынг чыгъар.
- Атлыны кёрсе, джаяуну буту талыр.
- Дженгил джетерикме деб, узун джолну къоюб, къысхасын барма.
- Иги сеники эсе да, сюйген кесимикин этеме.
- Накъырда – кертини келечиси.
- Окъугъан озар, окъумагъан тозар.
- Акъыл аздырмаз, билим тоздурмаз.
- Акъыллы башны – тили къысха.
- Зар адамны насыбы болмаз.
- Тешик этген тынчды, аны джамагъан къыйынды.
- Ёзденликни джайгъан – джокълукъ.
- Ач келгенни – тойдур, кеч келгенни – къондур.
- Телини эшигин, махтау джабар.
- Адамны артындан къара сабан сюрме.
- Тюкюрюк баш джармаз, налат кёз чыгъармаз!
- Адам къаллай бир ишленмесе, аллай бир кесин уллу кёреди.
- Ёлген ийнек сютлю болур.
- Ашхы сёз таш тешер.
- Къая джолда джортма, ачыкъ сёзден къоркъма.
- Душманны тышы – акъ, ичи – къара.
- Аууздан келген, къолдан келсе, ким да патчах болур эди.
- Элде адам къалмаса, ит тахтагъа минер.
- Мураты болгъанны джюрек тебюую башхады.
- Арбаз сайлама да, хоншу сайла.
- Бичгенде ашыкъма, тикгенде ашыкъ.
- Къызбайны юйюне дери сюрсенг, батыр болур.
- Бал ашаргъа сюе эсенг, чибин ургъаннга тёз.
- Ачлыкъда тары гырджын халыуадан татлы.
- Термилгенинги табмазса, кюлгенинге тюберсе.
- Джюз элде джюз ёгюзюм болгъандан эсе, джюз джууугъум болсун.
- Ач уят къоймаз.
- Адам туугъан джеринде, ит тойгъан джеринде.
- Ётюрюкчюню шагъаты – къатында.
- Тойгъан джерге джети къайт.
- Джогъун бар этген, барын бал этген.
- Ашатыргъа иш – ашхы, ишлетирге аш – ашхы.
- Керек ташны ауурлугъу джокъ.
- Огъурлуну сёзю – суу, огъурсузну сёзю – уу.
- Тилчи бир сагъатха айлыкъ хата этер.
- Урунуу – насыбны анасы.
