- Адамны адамлыгъы къыйынлыкъда айгъакъланады.
- Джылыгъа джылан илешир.
- Билген билмегенни юретген адетди.
- Ёлген аслан – сау чычхан.
- Аджашханны ызындагъы кёреди, джангылгъанны джанындагъы биледи.
- Ишни ахырын ойламай, аллын башлама.
- Сакъламагъан затынга джолукъсанг, не бек къууанаса, не бек ачыйса.
- Къарнынг къанлынга кийирир.
- Сагъышы джокъ – джукъучу, акъылы джокъ – къаугъачы.
- Къарын къуру болса, джюрек уру болур.
- Къонакъ хазыр болгъанлыкъгъа, къонакъбай хазыр тюлдю.
- Айтхан сёзюне табылгъан.
- Сёлеш деб шай берген, тохта деб, сом берген.
- Ёлюр джаннга, ёкюл джокъ.
- Тенги кёбню джау алмаз, акъылы кёбню дау алмаз.
- Азыкълы ат арымаз, къатыны аман джарымаз.
- Ётюрюкню къуйругъу – бир тутум.
- Тилчиден кери бол.
- Мал кёб болса, джууукъ кёб болур.
- Ана – юйню кюн джарыгъы.
- Мени джылытмагъан кюн, меннге тиймесин!
- Къазанны башы ачыкъ болса, итге уят керекди.
- Джетген къыз джерли эшекни танымаз.
- Телини эшигин, махтау джабар.
- Кийимни бир кюнню аясанг, минг кюннге джарар.
- Къарнынг ауруса, ауузунгу тый
- Ауузу аманнга «иги», деме.
- Арпа, будай – ащды, алтын, кюмюш а – ташды.
- Гырджын – тепсини тамадасы.
- Ишни аллы бла къууанма да, арты бла къууан.
- Накъырданы арты керти болур.
- Ашхылыкъ джерде джатмайды, аманлыкъ суугъа батмайды.
- Таукел адам тау тешер.
- Тыш элде солтан болгъандан эсе, кесинги элде олтан болгъан игиди!
- Атлыны кёрсе, джаяуну буту талыр.
- Сёз – кюмюш, джыр – алтын.
- Тюзню ётмеги тюзде къалса да, тас болмаз.
- Баланы адам этген анады.
- Телиге от эт десенг, юйюнге от салыр.
- Ауругъанны сау билмез, ач къарынны токъ билмез.
- Къыз келсе, джумуш эте келеди, къатын келсе, ушакъ эте келеди.
- Къызын тута билмеген, тул этер, джашын тута билмеген, къул этер.
- Аманнга алтын чыдамаз.
- Къобан да къуру да къобханлай турмайды, адам да къуру да патчахлай турмайды.
- Кёзден кетген, кёлден да кетеди.
- Къонагъы джокъну – шоху джокъ.
- Къызны минг тилер, бир алыр.
- Ашатыргъа иш – ашхы, ишлетирге аш – ашхы.
- Иги – алгъыш этер, аман – къаргъыш этер.
- Намыс сатылыб алынмайды.
