- Ач къалгъандан, кеч къалгъан къолай.
- Джангызны оту джарыкъ джанмаз!
- Иги адам абынса да, джангылмаз.
- Эл бла кёргенинг эрелей.
- Аман эсирсе, юйюн ояр.
- Кёлсюзден сёзсюз тууар.
- Тил – кесген бычакъ, сёз – атылгъан окъ.
- «Ма», - дегенни билмесенг, «бер», - дегенни билмезсе.
- Босагъагъа джууукъ орун болса, ашыгъыб тёрге озма.
- Ишни аллы бла къууанма да, арты бла къууан.
- Джангыз терек къынгыр ёсер.
- Ётюрюк хапар аякъ тюбю бла джюрюйдю.
- Таукел тауну аудурур.
- Къатын къылыкъсыз, эр тынчлыкъсыз.
- Дууулдаса – бал чибин, къонса – къара чибин.
- Суу да къайтады чыкъгъан джерине.
- Бек анасы джыламаз.
- Аман къатын сабий табса, бий болур…
- Адам боллукъ, атламындан белгили болур.
- Башланнган иш битер, къымылдагъан тиш тюшер.
- Ач къарным, тынч къулагъым.
- Ёксюзню тилеги къабыл болур.
- Къонакъ аз олтурур, кёб сынар.
- Джашлыкъ этмеген, башлыкъ этмез.
- Эркишиге тары кебек танг кёрюнюр.
- Ана – юйню кюн джарыгъы.
- Тилчиден кери бол.
- Иги адамны бир сёзю эки болмаз.
- Ашаса, ашамаса да, бёрюню ауузу – къан.
- Уруну арты – къуру.
- Акъыл бла адеб эгизледиле.
- Адеб этмеген, адеб кёрмез.
- Юйлю уругъа ит чабмаз.
- Тойгъан джерден туугъан джер игиди.
- Джырчы джырчыгъа – къарнаш.
- Борчунг бар эсе, хурджунунга ойлаб узал.
- Гырджын – тепсини тамадасы.
- Джиби бир къат джетмей эди да, эки къат тарта эди.
- Хатерли къул болур.
- Аякъларынгы джууургъанынга кёре узат.
- Тура эдим джата, къайдан чыкъды хата?
- Адамны аманы адамны бети бла ойнар.
- Чомартны къолу берекет.
- Адамны аты башхача, акъылы да башхады.
- Айырылгъанланы айю ашар, бёлюннгенлени бёрю ашар.
- Адам туугъан джеринде, ит тойгъан джеринде.
- Адам сёзге тынгыла, акъыл сёзню ангыла.
- Сагъыш – къартлыкъгъа сюйюмчю.
- Джашда акъыл джокъ, къартда къарыу джокъ.
- Аз сёлешген, къайгъысыз турур.
