- Билим къая тешер.
- Ашыкъгъан cуу, тенгизге джетмез.
- Къыз келсе, джумуш эте келеди, къатын келсе, ушакъ эте келеди.
- Джумушакъ терекни къурт ашар.
- Зар адамны насыбы болмаз.
- От кюйдюрген, сау болса да, тот кюйдюрген, сау болмаз.
- Кесинге джетмегенни, кёб сёлешме.
- Кёзню ачылгъаны – иги, ауузну джабылгъаны – иги.
- Аууз сакълагъан – джан сакълар.
- Игиге айтсанг – билир, аманнга айтсанг – кюлюр.
- Чалманны аллы къалай башланса, арты да алай барады.
- Аманнга игилик этсенг, юйюнге сау бармазса.
- Тюзлюк тас болмайды.
- Аман адамны тепсинге олтуртсанг, къызынгы тилер.
- Джукъу тёшек сайламайды.
- Иги болса, тамадама – махтау, аман болса, меннге – айыб.
- Къралынгы – душмандан, башынгы от бла суудан сакъла.
- Дженгил джетерикме деб, узун джолну къоюб, къысхасын барма.
- Садакъачыны джаны – къапчыгъында.
- Сууда джау джокъ, кёб сёзде магъана джокъ.
- Тойгъан джерге джети къайт.
- Кюл тюбюндеги от кёрюнмейди.
- Джол бла сёзню къыйыры джокъ.
- Кёзюнде тереги болгъан, чёбю болгъаннга кюле эди.
- Адамны аманы адамны бети бла ойнар.
- Ауузу аманнга «иги», деме.
- Джерни букъусу кёкге къонмаз.
- Байлыкъдан саулукъ ашхыды.
- Таякъ этден ётер, тил сюекден ётер.
- Къызын тута билмеген, тул этер, джашын тута билмеген, къул этер.
- Ётюрюкню къуйругъу – бир тутум.
- Иги адамны бир сёзю эки болмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Джахил болса анасы, не билликди баласы?
- Мухарны эси – ашарыкъда.
- Агъач – джерни чырайы, кийим – эрни чырайы.
- Къоркъакъны кёзю экили кёрюр.
- Намыс сатылыб алынмайды.
- Бёрю да ач къалмасын, эчки да ашалмасын.
- Айтылгъан сёз ызына къайтмаз.
- Таш ата билмеген, башына урур.
- Итли къонакъ джарашмаз.
- Аман къатын сабий табса, бий болур…
- Тойну къарнашы – харс, джырны къарнашы – эжиу.
- Хар ишни да аллы къыйынды.
- Аджал соруб келмез, келсе, къайтыб кетмез.
- Баш – акъыл ючюн, акъылман – халкъ ючюн.
- Башсыз урчукъ тюзюне айланмаз.
- Ашхы сёз таш тешер.
- Орну джокъну – сыйы джокъ.