- Аз сёлешген, къайгъысыз турур.
- Айтханы чапыракъдан ётмеген.
- Ишлегенден, къарагъан уста.
- Хазыр ашха – терен къашыкъ.
- Соргъан айыб тюлдю, билмеген айыбды.
- Харам къарнашдан, халал тенг ашхы.
- Джетген къыз джерли эшекни танымаз.
- Берекет берсин деген джерде, берекет болур.
- Ариу джол аджал келтирмез.
- Баланы адам этген анады.
- Кёл – къызбай, къол – батыр.
- Эки итни арасына сюек атма, эки адамны арасында сёз чыгъарма.
- Хар адамгъа кеси миннген тау кибик.
- Шекер бла туз – бир болмаз, ушамагъан – юй болмаз.
- Байлыкъ болгъан джерде, тынчлыкъ джокъду.
- Рысхы – сют юсюнде кёмюк кибикди.
- Юре билмеген ит, къонакъ келтирир.
- Алтыннга тот къонмаз.
- Бозаны арты дауур болур.
- Тёрдеги кюлсе, эшикдеги ышарыр.
- Къартха ушагъан джаш – акъыллы, джашха ушагъан къарт – тели.
- Ашда – бёрю, ишде – ёлю.
- Суугъа – таянма, джаугъа – ийнанма.
- Тойчу джашха къарама, къойчу джашха къара.
- Аллахдан тилесенг, кёб тиле.
- Ашыкъгъан cуу, тенгизге джетмез.
- Керти сёзге тёре джокъ.
- Айтылгъан сёз ызына къайтмаз.
- Аманнга да, игиге да оноусуз къатышма.
- Джол бла сёзню къыйыры джокъ.
- Ушамагъан – джукъмаз.
- Тёгюлген тюгел джыйылмайды.
- Джаш болсун, къыз болсун, акъылы, саны тюз болсун.
- Айранын берсенг, челегин да къызгъанма.
- Къарыусузгъа кюлме, онгсузгъа тийме.
- Билимден уллу байлыкъ джокъду.
- Бал чибинни ургъаны – ачы, балы – татлы.
- Туз, гырджын аша, тюзлюк бла джаша.
- Рысхы джалгъанды: келген да этер, кетген да этер.
- Тенгни тенглиги джашай барсанг билинир.
- Урама да – ёледи, сатама да – келеди.
- Атлыны ашхысы, ат тизгининден билинир
- Таш бла ургъанны, аш бла ур.
- Ач – эснер, ат – кишнер.
- Ётюрюкден тюбю джокъ, кёлтюрюрге джиби джокъ.
- Чомарт бергенин айтмаз.
- Ичимден чыкъды хата, къайры барайым сата?
- Къартны бурнун сюрт да, оноугъа тут.
- Асхат ашлыкъ сата, юйдегиси ачдан къата.
- Къызны минг тилер, бир алыр.
