- Иги сёз – джаннга азыкъ, аман сёз башха – къазыкъ.
- Ёлген эшек бёрюден къоркъмайды.
- Айранны сюйген, ийнек тутар.
- Бермеген къол, алмайды.
- Ашыкъгъанны этеги бутуна чырмалыр.
- Хатерли къул болур.
- Чакъырылмай келген къонакъ сыйланмай кетер.
- Ана – юйню кюн джарыгъы.
- Ариу сёзде ауруу джокъ.
- Ашхы тенг джолгъа салыр, аман тенг джолдан тайдырыр.
- Зар адамны насыбы болмаз.
- Джумушакъ терекни къурт ашар.
- Къызбайны юйюне дери сюрсенг, батыр болур.
- Киштикге къанат битсе, чыпчыкъ къалмаз эди.
- Келгинчи, къонакъ уялыр, келгенден сора, къонакъбай уялыр.
- Джолунга кёре – джюрюшюнг, джагъанга кёре – юлюшюнг.
- Садакъачыны джаны – къапчыгъында.
- Башы ишлегенни, ауузу да ишлер.
- Миллетни бойну – базыкъ, аны бла кюрешген – джазыкъ.
- Айтханы чапыракъдан ётмеген.
- Телиге акъыл салгъандан эсе, ёлгеннге джан салырса.
- Ёзденликни джайгъан – джокълукъ.
- Юй кюйдю да, кюйюз чыкъды, ортасындан тюйюш чыкъды.
- Кёзню ачылгъаны – иги, ауузну джабылгъаны – иги.
- Ашаса, ашамаса да, бёрюню ауузу – къан.
- Эл бла кёргенинг эрелей.
- Бёрю да ач къалмасын, эчки да ашалмасын.
- Баланы адам этген анады.
- Ишни аллы бла къууанма да, арты бла къууан.
- Эр абынмай, эл танымаз.
- Ишге юренсин къоллары, халкъ бла болсун джоллары.
- Ёксюзню тилеги къабыл болур.
- Ач – эснер, ат – кишнер.
- Ач бёрюге мекям джокъ.
- Зарда марда джокъ.
- Окъумагъан сокъурду, сокъур ташха абыныр!
- Келлик заман – къартлыкъ келтирир, кетген заман – джашлыкъ ёлтюрюр.
- Арбаз сайлама да, хоншу сайла.
- Ишлегенде эринме, ишде чолакъ кёрюнме.
- Арбаз къынгырды да, ийнек сауалмайма.
- Байлыкъдан саулукъ ашхыды.
- Тили узунну, намысы – къысха.
- Ашлыкъ – бюртюкден, джюн – тюкден.
- Эки къатын алгъанны къулагъы тынгнгаймаз.
- Таукел адам тау тешер.
- Джылкъыдан – ат чыгъар, тукъумдан – джаш чыгъар.
- Акъыл къартда, джашда тюйюлдю – башдады.
- Тил – кесген бычакъ, сёз – атылгъан окъ.
- Джети тилни билген джети кишиди.
- Адеб джокъда, намыс джокъ.
Жазыкоев Исхак Магометович, погиб в Афганистане
Читают тему (гостей: 1)