Адам сёзге тынгыла, акъыл сёзню ангыла.
Джауумдан сора, кюн кюйдюрюр, ётюрюкден сора, айыб кюйдюрюр.
Оюмсуз атлагъан, аджалсыз ёлюр.
Чёбню кёлтюрсенг, тюбюнден сёз чыгъар.
Кёл – къызбай, къол – батыр.
Тас болгъан бычакъны сабы – алтын.
Биреуню къыйынлыгъы бла кесинге джол ишлеме.
Бир онгсуз адам адет чыгъарды, деб эштирик тюлсе.
Къонагъынгы артмагъын алма да, алгъышын ал.
Намысы болмагъанны, сыйы болмаз.
Кесине гебен этелмеген, биреуге черен эте эди.
Кёлсюзден сёзсюз тууар.
Дженгил джетерикме деб, узун джолну къоюб, къысхасын барма.
Байны къызы баймакъ болса да, юйде къалмаз!
Ач, тоймам, дейди, тойгъан, ач болмам, дейди.
Чарсда алчыны эл кёреди.
Джашынгы кесинг юретмесенг, джашау юретир.
Экеу тутушса, биреу джыгъылыр.
Джеринден айырылгъан – джети джылар, джуртундан айырылгъан – ёлгюнчю джылар.
Джарлы эскисин джамаса, къууаныр.
Аякъларынгы джууургъанынга кёре узат.
Ёнгкюч къууана барыр, джылай келир.
Аман адам элни бир-бирине джау этер.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Тюз сёз баргъан сууну тыяр.
Ачыкъ джюрекге джол – ачыкъ.
Мухарны эси – ашарыкъда.
Тёзгеннге, джабылгъан эшик ачылыр.
Къайтырыкъ эшигинги, къаты уруб чыкъма.
Ач да бол, токъ да бол – намысынга бек бол.
Акъыллы башны – тили къысха.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Эски джаугъа ышанма.
Джолунга кёре – джюрюшюнг, джагъанга кёре – юлюшюнг.
Тёрдеги кюлсе, эшикдеги ышарыр.
Аш берме да, къаш бер.
Чыбыкълыкъда бюгюлмеген, къазыкълыкъда бюгюлмей эди.
Башы джабылгъан челекге, кир тюшмез.
Ариу сёз – джаннга азыкъ, аман сёз – башха къазыкъ.
Рысхы джалгъанды: келген да этер, кетген да этер.
Бек ашыкъгъан меннге джетсин, дегенди аракъы.
Уруну арты – къуру.
Ач отунчуну ачыуу – бурнунда.
Зарда марда джокъ.
Ашхылыкъ джерде джатмайды, аманлыкъ суугъа батмайды.
Узун джолну барсанг, бюгюн келирсе, къысха джолну барсанг, тамбла келирсе.
Тюзлюк шохлукъну бегитир.
Ат да турмайды бир териде.
Бёрю да ач къалмасын, эчки да ашалмасын.
Иги бла джюрюсенг, джетерсе муратынга, аман бла джюрюсенг, къалырса уятха.
