Сыфатында болмагъаны, суратында болмаз.
Харам къарнашдан, халал тенг ашхы.
Битмегеннге сакъал – танг.
Ургъан суудан башынгы сакъла.
Малны кют, джерни тюрт.
Джырчы ёлсе, джыры къалыр.
Къарт бла баш аша, джаш бла аякъ аша.
Тойгъан антын унутур.
Джумушакъ сёз къаты таякъны сындырыр.
Кёл – къызбай, къол – батыр.
Ишленмеген джаш – джюгенсиз ат, ишленмеген къыз – тузсуз хант.
Окъумагъан сокъурду, сокъур ташха абыныр!
Садакъачыны джаны – къапчыгъында.
Ашхы – джыяр, аман – джояр.
Уллу айтханны этмеген – уллаймаз.
Азыгъы аз, алгъа къабар, аты аман, алгъа чабар.
Чомартны къолун джокълукъ байлар.
Ёксюзню тилеги къабыл болур.
Ишлегенде эринме, ишде чолакъ кёрюнме.
Хар ишни да аллы къыйынды.
Кесинг сынамагъан затны, адамгъа буюрма.
Сабыр джетер муратха, сабырсыз къалыр уятха.
Джахил болса анасы, не билликди баласы?
Ашаса, ашамаса да, бёрюню ауузу – къан.
Гугурук къычырмаса да, тангны атары къалмаз.
Борчунг бар эсе, хурджунунга ойлаб узал.
Эшекге миннген – биринчи айыб, андан джыгъылгъан – экинчи айыб.
Ат басханны джер билед.
Бал – татлы, балдан да бала – татлы.
Къулакъдан эсе, кёзге ышан.
Кёл ашады да, кеси ашады.
Адамны бетине къарама, адетине къара.
Аууздан келген, къолдан келсе, ким да патчах болур эди.
Мени джылытмагъан кюн, меннге тиймесин!
Суугъа – чабакъ, къаягъа – ыргъакъ.
Мадар болса, къадар болур.
Тыш элде солтан болгъандан эсе, кесинги элде олтан болгъан игиди!
Биреу ашаб къутулур, биреу джалаб тутулур.
Къарнынг ауруса, ауузунгу тый
Иесиз малны бёрю ашар.
Эки итни арасына сюек атма, эки адамны арасында сёз чыгъарма.
Джеринден айырылгъан – джети джылар, джуртундан айырылгъан – ёлгюнчю джылар.
Ёлюр джаннга, ёкюл джокъ.
Акъыл сабырлыкъ берир.
Таугъа чыгъаллыкъ эсенг, тюзде къалма.
Тюз сёз баргъан сууну тыяр.
Ханы къызы буюгъа-буюгъа киштик болду.
Къартха ушагъан джаш – акъыллы, джашха ушагъан къарт – тели.
Къонагъынгы артмагъын алма да, алгъышын ал.
Сабийликде юретмесенг, уллу болса – тюзелмез.
