Узун джолну барсанг, бюгюн келирсе, къысха джолну барсанг, тамбла келирсе.
Юйюнгден чыкъдынг – кюнюнгден чыкъдынг.
Джаралыны джастыгъында сау ёлюр.
Аман къатын сабий табса, бий болур…
Ашда уялгъан – мухар, ишде уялгъан – хомух.
Ханы къызы буюгъа-буюгъа киштик болду.
Арыгъан къош чамчы болур.
Чабакъгъа акъыл, табагъа тюшсе келеди.
Ана кёлю – балада, бала кёлю – талада.
Къыз келсе, джумуш эте келеди, къатын келсе, ушакъ эте келеди.
Нёгер болсанг, тенг бол, тенг болмасанг, кенг бол.
Джаханимни кёрмей, джандетге кёл салмазса.
Таукел тауну аудурур.
Ёлген ийнек сютлю болур.
Билеги кючлю, бирни джыгъар, билими кючлю, мингни джыгъар.
Кеси юйюмде мен да ханма.
Тюзлюк тас болмайды.
Оюмсуз атлагъан, аджалсыз ёлюр.
Ата – билек, ана – джюрек!
Къазанда болса, чолпугъа чыгъар.
Ётюрюкчюню шагъаты – къатында.
Баш – акъыл ючюн, акъылман – халкъ ючюн.
Къайгъыны сюйген, къайгъы табар.
Джеринден айырылгъан – джети джылар, джуртундан айырылгъан – ёлгюнчю джылар.
Чакъырылмай келген къонакъ сыйланмай кетер.
Ашыкъгъан cуу, тенгизге джетмез.
Ётюрюк хапар аякъ тюбю бла джюрюйдю.
Ишленмеген джаш – джюгенсиз ат, ишленмеген къыз – тузсуз хант.
Экиндини кеч къылсанг, чабыб джетер ашхам.
Иги бла джюрюсенг, джетерсе муратынга, аман бла джюрюсенг, къалырса уятха.
Суугъа – чабакъ, къаягъа – ыргъакъ.
Аманны къуугъан, аманлыкъ табар.
Итли къонакъ джарашмаз.
Сакъалы текени да бар, мыйыгъы киштикни да бар.
Ачлыкъда тары гырджын халыуадан татлы.
Чыбыкълыкъда бюгюлмеген, къазыкълыкъда бюгюлмей эди.
Къулакъдан эсе, кёзге ышан.
Тюзлюк шохлукъну бегитир.
Ауругъаннга – кийик саулукъ, джетген къызгъа – чилле джаулукъ.
Гугурук къычырмаса да, тангны атары къалмаз.
Сыфатында болмагъаны, суратында болмаз.
Эл тойса, тоймагъан, эл къойса, къоймагъан.
Сабийни джумушха джибер да, ызындан бар.
Асхат ашлыкъ сата, юйдегиси ачдан къата.
Намысы джокъну – дуниясы джокъ.
Ёнгкюч къууана барыр, джылай келир.
Джумушакъ терекни къурт ашар.
Адам туугъан джеринде, ит тойгъан джеринде.
Эринчекге кюн узун.
Игини сыйлагъан адетди.
