- Адамны бетине къарама, адетине къара.
- Дуния аламаты сен эсенг да, игиме деб айтма.
- Керилген да, ургъан кибикди.
- Джылар джаш, атасыны сакъалы бла ойнар.
- Джаным-тиним – окъуу, билим.
- Ач отунчуну ачыуу – бурнунда.
- Окъ къызбайны джокълайды.
- Бичгенде ашыкъма, тикгенде ашыкъ.
- Джиби бир къат джетмей эди да, эки къат тарта эди.
- Акъыл сабырлыкъ берир.
- Элни кючю – эмеген.
- Байны къызы баймакъ болса да, юйде къалмаз!
- Джаш болсун, къыз болсун, акъылы, саны тюз болсун.
- «Ма», - дегенни билмесенг, «бер», - дегенни билмезсе.
- Ёлген ийнек сютлю болур.
- Аллахха ийнаннган кишини, Аллах онгдурур ишин.
- Тилчи бир сагъатха айлыкъ хата этер.
- Баргъанынга кёре болур келгенинг.
- Кеси юйюмде мен да ханма.
- Тёрдеги кюлсе, эшикдеги ышарыр.
- Къыз тиширыу кеси юйюнде да къонакъды.
- Адам туугъан джеринде, ит тойгъан джеринде.
- Малны кют, джерни тюрт.
- Джаз бир кюнню джатсанг, къыш талай кюнню абынырса.
- Къайтырыкъ эшигинги, къаты уруб чыкъма.
- Джумушакъ сёз къаты таякъны сындырыр.
- Тил – миллетни джаны.
- Эки къатын алгъанны къулагъы тынгнгаймаз.
- Джарлыны тону джаз битер.
- Арыгъан къош чамчы болур.
- Тура эдим джата, къайдан чыкъды хата?
- Тёзгеннге, джабылгъан эшик ачылыр.
- Кийимни бир кюнню аясанг, минг кюннге джарар.
- Къайгъы тюбю – тенгиз.
- Ариу сёзде ауруу джокъ.
- Адебни адебсизден юрен.
- Аууз сакълагъан – джан сакълар.
- Байлыкъ болгъан джерде, тынчлыкъ джокъду.
- Къолу уллу – асыу, аягъы уллу – джарсыу.
- Иги сеники эсе да, сюйген кесимикин этеме.
- Биреуге аманлыкъ этиб, кесинге игилик табмазса.
- Тойну къарнашы – харс, джырны къарнашы – эжиу.
- Аман эсирсе, юйюн ояр.
- Чакъырылмагъан джерге барма, чакъырылгъан джерден къалма.
- Чакъырылмагъан къонакъ къачан кетерин сормаз.
- Аманнга алтын чыдамаз.
- Рысхы – сют юсюнде кёмюк кибикди.
- Эрни эр этерик да, къара джер этерик да, тиширыуду.
- Азыкъ аз болса, эртде орун сал.
- Азыкълы ат арымаз, къатыны аман джарымаз.
Заболевания позвоночника и болезни спины.
Читают тему (гостей: 1)