- Джарлыны тону джаз битер.
- Терслик кетер, тюзлюк джетер.
- Тура эдим джата, къайдан чыкъды хата?
- Керилген да, ургъан кибикди.
- Намысы джокъну – дуниясы джокъ.
- Эркишини аманы тиширыуну джылатыр.
- Джангыз терек къынгыр ёсер.
- Этни бети бла шорпасы.
- Чомарт къонакъ юй иесин сыйлар.
- Сагъыш – къартлыкъгъа сюйюмчю.
- Кирсизни – саны таза, халалны – къаны таза.
- Атынг аманнга чыкъгъандан эсе, джанынг тамагъынгдан чыкъсын.
- Эр сокъур болсун, къатын тилсиз болсун.
- Билмейме деген – бир сёз
- Билимли ёлмез, билимсиз кёрмез.
- Ариу джол аджал келтирмез.
- Ауругъан – джашаудан умутчу.
- Айныгъанлы алты кюн, тогъайгъанлы тогъуз кюн.
- Насыблы элин сюер, насыбсыз кесин сюер.
- Къонакъ аз олтурур, кёб сынар.
- Акъдан къара болмаз.
- Джерни букъусу кёкге къонмаз.
- Азыкъ аз болса, эртде орун сал.
- Ёгюзню мюйюзлери ауурлукъ этмейдиле.
- Къартха ушагъан джаш – акъыллы, джашха ушагъан къарт – тели.
- Джумушакъ терекни къурт ашар.
- Келинин тута билмеген, къул этер, къызын тута билмеген, тул этер.
- Мени джылытмагъан кюн, меннге тиймесин!
- Ашыкъгъанны этеги бутуна чырмалыр.
- Чомартны къолу берекет.
- Чабакъ башындан чирийди.
- Кийимни бир кюнню аясанг, минг кюннге джарар.
- Кюлме джашха – келир башха.
- Джашлыкъ этмеген, башлыкъ этмез.
- Аманнга да, игиге да оноусуз къатышма.
- Мухарны эси – ашарыкъда.
- Джахил болса анасы, не билликди баласы?
- Эли джокъну – кёлю джокъ.
- Иги джашны ышаны – аз сёлешиб, кёб тынгылар.
- Байлыкъ тауусулур, билим тауусулмаз.
- Къонакъ хазыр болгъанлыкъгъа, къонакъбай хазыр тюлдю.
- Джаш болсун, къыз болсун, акъылы, саны тюз болсун.
- Кёзню ачылгъаны – иги, ауузну джабылгъаны – иги.
- Аджал соруб келмез, келсе, къайтыб кетмез.
- Бойнуму джети джерден кессенг да, мен ол ишни этеллик тюлме.
- Байны оноуу, джарлыгъа джарамаз.
- Джарлыны эшигин махтагъан джабар.
- Тёрдеги кюлсе, эшикдеги ышарыр.
- Тынгылагъан тынгы бузар.
- Джолунга кёре – джюрюшюнг, джагъанга кёре – юлюшюнг.
Ищу сведения о жизни Дудова Леона Исмаиловича
Читают тему (гостей: 1)