- Ач къарным, тынч къулагъым.
- Арбаз сайлама да, хоншу сайла.
- Шайтан алдады, тюзлюк къаргъады.
- Экиндини кеч къылсанг, чабыб джетер ашхам.
- Ётюрюкчюню шагъаты – къатында.
- Тик ёргени, тик энгишгеси да болады.
- Аз сёлеш, кёб ишле.
- Къолу уллу – асыу, аягъы уллу – джарсыу.
- Мухардан ач ычхынмаз.
- Чакъырылгъанны аты, чакъырылмагъанны багъасы болур.
- Бир абыннган – минг сюрюнюр.
- Тойгъанлыкъ къойгъа джарашады.
- Бичгенде ашыкъма, тикгенде ашыкъ.
- Ачыу алгъа келсе, акъыл артха къалады.
- Тили узунну, намысы – къысха.
- Элиб деген, элге болушур.
- Азыкъ аз болса, эртде орун сал.
- Этим кетсе да, сюегим къалыр.
- Тилчи тилден къаныкъмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Эки итни арасына сюек атма, эки адамны арасында сёз чыгъарма.
- Джол бла сёзню къыйыры джокъ.
- Ачылгъан эт джабылыр, кёрген кёз унутмаз.
- Мен да «сен», дейме, сен да «кесим», дейсе.
- Эр сокъур болсун, къатын тилсиз болсун.
- Тай асырагъан, атха минер.
- Садакъачыны джаны – къапчыгъында.
- Къонакъны къачан кетерин сорма, къачан келлигин сор.
- Тилчиден кери бол.
- Игилик игилик бла сингдирилиучю затды.
- Джукъу тёшек сайламайды.
- Джаным-тиним – окъуу, билим.
- Аджашханны ызындагъы кёреди, джангылгъанны джанындагъы биледи.
- Тюз сёз баргъан сууну тыяр.
- Сёз къанатсыз учар.
- Тюзлюк тас болмайды.
- Билмезни кёзю кёрмез, этмезни къулагъы эшитмез.
- Алтыда кюлмеген, алтмышда кюлмез.
- Баргъанынга кёре болур келгенинг.
- Джумушакъ сёз къаты таякъны сындырыр.
- Ана – юйню кюн джарыгъы.
- Алма терегинден кери кетмез.
- Бети бедерден, намыс сакълама.
- Ач къарынны, токъ билмез
- Сангырау къулакъ эл бузар.
- Тыш элде солтан болгъандан эсе, кесинги элде олтан болгъан игиди!
- Юреннген ауруу къалмаз.
- Кёзюнде тереги болгъан, чёбю болгъаннга кюле эди.
- Билим ат болуб да чабар, къуш болуб да учар.
- Къазанны башы ачыкъ болса, итге уят керекди.
Ищу сведения о жизни Дудова Леона Исмаиловича
Читают тему (гостей: 1)