- Аман адамны тепсинге олтуртсанг, къызынгы тилер.
- Айранны сюйген, ийнек тутар.
- Уллу айтханны этмеген – уллаймаз.
- Ургъан суудан башынгы сакъла.
- Ушамагъан – джукъмаз.
- Къызгъанчдан ычхыныр, мухардан ычхынмаз.
- Байлыкъ адамны сокъур этер.
- Сормай – алма, чакъырылмай – барма.
- Ата Джуртун танымагъан, атасын да танымаз.
- Келлик заман – къартлыкъ келтирир, кетген заман – джашлыкъ ёлтюрюр.
- Этни бети бла шорпасы.
- Къумурсхала джыйылсала, пилни да джыгъадыла.
- Акъыллы эркиши атын махтар, акъылсыз эркиши къатынын махтар.
- Къатын байлыкъны сюер, эр саулукъну сюер.
- Джюрек кёзден алгъа кёрюр.
- Билимсиз иш бармаз.
- Сёлеш деб шай берген, тохта деб, сом берген.
- Иги джашны ышаны – аз сёлешиб, кёб тынгылар.
- Адебсиз адам – джюгенсиз ат.
- Чоюнну башы ачыкъ болса, итге уят керекди.
- Джылкъыдан – ат чыгъар, тукъумдан – джаш чыгъар.
- Тели турса – той бузар.
- Кёзню ачылгъаны – иги, ауузну джабылгъаны – иги.
- Къазанны башы ачыкъ болса, итге уят керекди.
- Малны кют, джерни тюрт.
- Бети – къучакълар, джюреги – бычакълар.
- Эки элинги тыйсанг, джети элде махталырса.
- Тешик этген тынчды, аны джамагъан къыйынды.
- Аллахха ийнаннган кишини, Аллах онгдурур ишин.
- Аякъларынгы джууургъанынга кёре узат.
- Къарнынг къанлынга кийирир.
- Тилчи бир сагъатха айлыкъ хата этер.
- Ашхы болсанг, атынг чыгъар, аман болсанг, джанынг чыгъар.
- Адам боллукъ, атламындан белгили болур.
- Болджал ишни бёрю ашар.
- Таукел тауну аудурур.
- Къобан да къуру да къобханлай турмайды, адам да къуру да патчахлай турмайды.
- Чыкълы кюнде чыкъмагъан, чыкъса къуру кирмеген.
- Тюкюрюк баш джармаз, налат кёз чыгъармаз!
- Джиби бир къат джетмей эди да, эки къат тарта эди.
- Бир онгсуз адам адет чыгъарды, деб эштирик тюлсе.
- Экиндини кеч къылсанг, чабыб джетер ашхам.
- Эки къатын алгъан – эки ташны ортасына башын салгъан.
- Таукел адам тау тешер.
- Къызын тута билмеген, тул этер, джашын тута билмеген, къул этер.
- Ишни ахырын ойламай, аллын башлама.
- Ариу сёз джыланны орнундан чыгъарыр.
- Акъдан къара болмаз.
- Ат да турмайды бир териде.
- Ана кёлю – балада, бала кёлю – талада.
Ищу сведения о жизни Дудова Леона Исмаиловича
Читают тему (гостей: 1)