- Къатын къылыкъсыз, эр тынчлыкъсыз.
- Ач келгенни – тойдур, кеч келгенни – къондур.
- Къыйынлы джети элге оноу этер.
- От этилмеген джерден тютюн чыкъмайды.
- Насыблы элин сюер, насыбсыз кесин сюер.
- Джылкъыдан – ат чыгъар, тукъумдан – джаш чыгъар.
- Кесине гебен этелмеген, биреуге черен эте эди.
- Намыс сатылыб алынмайды.
- Башы джабылгъан челекге, кир тюшмез.
- Окъуу – билимни ачхычы, окъуу – дунияны бачхычы.
- Ауругъанны сау билмез, ач къарынны токъ билмез.
- Ана къойну – балагъа джандет.
- Тилде сюек болмаса да, сюек сындырыр.
- Акъыл бла адеб эгизледиле.
- Эки элинги тыйсанг, джети элде махталырса.
- Акъыл къартда, джашда тюйюлдю – башдады.
- Къанны къан бла джуума, аманны аман бла къуума.
- Ауругъан – джашаудан умутчу.
- Аджаллыгъа окъсуз шкок атылыр.
- Сютню башын джалагъан къутулур, тюбюн ичген тутулур.
- Эл ауузу – элия.
- Аш иеси бла татлыды.
- Суу ичген шауданынга тюкюрме.
- Алим болгъандан эсе, адам болгъан къыйынды.
- Аджашхан тёгерек айланыр.
- Мухарны эси – ашарыкъда.
- Аууздан келген, къолдан келсе, ким да патчах болур эди.
- Керти сёзге тёре джокъ.
- Акъыл неден да кючлюдю.
- Ашха уста, юйюнде болсун
- Болджал ишни бёрю ашар.
- Бети – къучакълар, джюреги – бычакълар.
- Ёлюр джаннга, ёкюл джокъ.
- Джашда акъыл джокъ, къартда къарыу джокъ.
- Ашыкъгъанны этеги бутуна чырмалыр.
- Гырджын – тепсини тамадасы.
- Ата Джуртун танымагъан, атасын да танымаз.
- Адамны сыфатына къарама, сёзюне къара.
- Джолунга кёре – джюрюшюнг, джагъанга кёре – юлюшюнг.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ата Джуртча джер болмаз, туугъан элча эл болмаз.
- Ач къалгъандан, кеч къалгъан къолай.
- Къазанны башы ачыкъ болса, итге уят керекди.
- Тюз сёз баргъан сууну тыяр.
- Эрни эр этерик да, къара джер этерик да, тиширыуду.
- Ариу джол аджал келтирмез.
- Тамбла алтындан бюгюн багъыр ашхы.
- Ётюрюкден тюбю джокъ, кёлтюрюрге джиби джокъ.
- Ариу сёз – джаннга азыкъ, аман сёз – башха къазыкъ.
- Бал – татлы, балдан да бала – татлы.
